pineqaatissinneqarsimasut

Pineqaatissinneqarsimasunut aningaasartuutit isumaqatigiinngissutaasut

Kalaallit Nuummi pineqaatissinneqarsimasunut isertitsivissamittussat napparsimalerpata, nakorsarnissaannut kikkut akiliissanersut Naalakkersuisut danskillu naalakkersuisuisa isumaqatigiinngissutigaat. KNR allappoq.

Der er uenighed om hvem der skal betale for behandlingen, hvis de forvaringsdømte bliver syge, efter de er flyttet til den nye anstalt i Nuuk fra Herstedvester.

Pineqaatissinneqarsimasut ullumikkut Danmarkimi Herstedvesterip parnaarussivianiittut Nuummi isertitsivik 2019-imi ammarpat nuunnissamut qinnuteqarnissamut qinnuteqarsinnaanerinut siunnersuut, Inatsisartut ukiakkut ataatsimiinnerminni eqqartussavaat.

Aamma tuaruk: Sulisussaaleqinerup sanaartorneq kinguaattoortippaa

Inatsisissatulli siunnersuutip suliarineqarneranut atatillugu kalaallit qallunaallu oqartussaat isumaqatigiikkunnaarsimapput, KNR allappoq.

Aningaasanik immikkoortitsivigineqarsimanngitsoq

Pineqaatinneqarsimasulli Danmarkimi Hestedvesterimiit Nuummu isertitsivimmut nuunneqarnermi kingorna napparsimalersimatillugit kikkunnit akilineqassanersoq isumaqatigiinngissutigineqarpoq.

KNR naapertorlugu, nakorsartinnerit kalaallit peqqinnissaqarfianit akisussaaffigineqartariaqartut qallunaat naalakkersuisui isumaqarput. Nunattali peqqinnissaqarfik 1992-imi akisussaaffigilermagu, pineqaatissinneqarsimasut nakorsarneqarnissaannut akiliinissaq ilanngullugu akisussaaffigilinngikkaa, Naalakkersuisut isumaqarput, taamaammallu pineqaatissinneqarsimasunut nakorsaanissamut aningaasanik immikkoortitsisoqarsimanani.

Nutaarsiassanut kiffartuussivik paasissutissiivoq Nuummi isertitsivissaq 2019-imi atulertinnagu pineqaatissinneqarsimasut nakorsartinneri kikkunnit akilerneqartassanersoq aalajangerneqarumaartoq.

Powered by Labrador CMS