Annaassiniarnermik sungiusarneq
Pimoorussilluni annaassiniarnermik sungiusarneq
Annnaassiniarnermik sungiusarnermi oqartussaasut assigiinngitsut peqataapput, sungiusarnermilu illoqarfiit pingaarnersaaanni innuttaasut Nuutoqqammiik malinnaasinnaasimallutik.
Sungiusarneq 'Tappik' ingerlanneqarnerani, Ari Greenlandip qulimiguuliutaa S-61 SAR atorneqarpoq.
Aaqqissuisut
Kalaallit Nunaannit Politiit, Issittumi Sakkutooqarfik Air Greenlandilu sungiusarnermi aaqqissuisuupput.
Qulimiguullip saniatigut politiit angallatai ”Sisak”, ”Sisak II”, ”Sisak III” aamma ”Sisak IV” umiarsuarli alapernaarsuut ”Knud Rasmussen” peqataatinneqarput.
Sungiusarnissaq politiit siusinaartumik nalunaarutigisimavaat, tassanni innuttaasut soqutiginnittut sungiusarnermi Nuutoqqamiik malinnaanissaannut periarfissinneqarsimallutik.
Inuup inuuneranik annaassineq
Tassani annaassiniartartut umiarsuarmut ammukartinneqarneri qanoq ingerlanneqartarnersut, annaassiniarnermilu qanoq isilluni qulimiguulimmut qummukartitsisoqartarnera takutinneqarlutik. Taakku arlaleriarlutik ukiuni arlalinni inuup inuunerinik annaassisarsimapput.
SAR tuluit oqaaseraat: Search And Rescue - Ujaarlerneq - Annaassinerlu.