Skip to main content

Pilluarit: Ukiuni 40-ni nuutsisarfimmi sulisoq

Emma Jensen, Qeqqata Kommuniani nuutsisarfimmi sulisoq, pisortat suliffeqarfiini ukiuni 40-ni ullumikkut sapaammi sulisimanerminik nalliuttorsiorpoq.

Emma Jensen siullermik Sisimiut Kommuniani kingornalu Qeqqata Kommuniani sivisuumik sulisimanerminik kingumut qiviarsinnaavoq, nuutsisarfimmilu sulinermini innuttaasut oqarasuaatikkut kommunimut saaffiginninnerminni amerlanertigut siullertut oqaloqatigisartagarivaat. Emma Jensenimi pisortat suliffeqarfiini ukiuni 40-ni sulisimanerminik ullumi sapaammi aapriilip 15-ani nalliuttorsiorpoq.

Tamannalu Emma Jensen suleqatitut ilisimaneqarluartutut pingaartinneqartutullu isigineqaatigilernikuullugu. Sulisoqranermut pisortap Inger Eriksen-ip eqqoriarpaa, Kalaallit Nunaat tamakkerlugu Emma Jensen sivisunerpaamik nuutsisarfimmi sulisuusimassasoq.

Sisimiut Kommuniani 1978-imi aallartippoq

Emma Jensen 1978-imi apriilip 15-iani Sisimiut Kommunerisimasaata nuutsisarfiani sulilerpoq. 1984-imi januaarip aallaqqaataani allaffimmi ikiortitut atorfinippoq. 1986-imi apriilip aallaqqaataani assistentitut atorfinippoq, 2006-imilu januaarip aallaqqaataanit overassistentitut atorfeqalerluni.

Kommuni suliffigissallugu pitsaasuuneranut Emma Jensen uppernarsaataasoq, Inger Eriksen-imit isigineqarpoq. Ukiut taakku Emma Jensen-ip sulinermini ullut ikittuinnaat napparsimasimavoq.

Emma Jensen-ip nalliuttorsiornera apriilip 13-iani kommunip allaffiani, ilaquttat, ikinngutit suleqatillu peqatigalugit malunnartinneqarpoq. Emma Jensen ukiuni taakkunani annertuumik sulisimaneranut Qeqqata Kommuniani borgmester Malik Berthelsen qujassuteqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER