Monday, February 12, 2018 - 12:38

Pilersuisoq nioqqutissat akikillivai

Assi.: KNI/pressefoto
Nunaqarfinni illoqarfinnilu mikinerusuni nioqqutit aalajangersimasut akikillineqarput

Nunaqarfimmiunut illoqarfinnilu mikinerusuni najugaqartunut nutaarsiassatsialaqarpoq: Nioqqutissat aalajangersimasut Pilersuisumit akikillineqarput.

- Illoqarfiit mikinerit nunaqarfiillu immikkuullarissuupput. Peqqinnartunik neriniarluni akisusinnaasarpoq, taamaattumik nioqqutit aalajangersimasut akikillivagut, KNI-mi pisortaq Niels Andersen Sermitsiaq.AG-mut oqarpoq.

Nioqqutissat akikillineqarnerat assigiinngillat. Nioqqutissallu akikillinerat sapaatini akunnerini tulliuttuni malunnarsissaaq.

- Nioqqutissat tamarmik akikillisinnaanngilagut. Nioqqutilli tunineqarnerpaasartut akikillineqassapput, Niels Andersen ilisimatitsivoq.

Nioqqutit umiarsuarmit assartorneqartut kisimik akikillineqassasut oqaatigaa.

Nioqqutit akikillineqarnerat pisisartut allat maluginavianngikkaa erseqqissarpaa.

- Akit apparnerisigut nioqqutit amigaatigineqartartut ikilipput igiinnarneqartartullu assinganik ikilipput. Aamma aningaasartuutigut ikilipput, Niels Andersen oqarpoq.

Seneste nyheder / Nutaarsiassat kingulliit