illoqarfimmik ineriartortitsineq

Pilersaarutip nutaap Nuummi sumiiffiit 37-t allanngortissavai

Illoqarfiit pingaarnersaata annertuumik ineriartortinneqarnissaanut siunnersuutit katillugit 37-t aallartinneqarput. Siunnersuuterpassuit Sanarfinermut Avatangiisinullu Ataatsimiititaq tallimanngornermi ataatsimiilerpat saqqummiunneqassapput.

Kommuneqarfik Sermersooq Kommuneqarfik Sermersoo Kommuneqarfik Sermersooq Kommuneqarfik Sermersoo Kommuneqarfik Sermersooq Kommuneqarfik Sermersoo

Kommunimi illoqarfiup ineriartortinneqarnissaanut pilersaarummi immikkoortut 37-t ataatsikkut ingerlateqqinneqarnissaat pilersaarutaavoq, tamannalu Kommuneqarfik Sermersuumi kommunalbestyrelsimi ilaasortat ullumi ataatsimiilerpata pissasoq naatsorsuutigineqarpoq.

Misissueqqissaarneq

Nuuk pingaarnertut ilusaata illoqarfittut ineriartortinneqarnissaanut misissueqqissaartoqarnissaa pineqarpoq.

- Ilaatigut immikkoortut kommunimi pilersaarutigineqartut pioreersut atorneqarnissaasa allanngortinneqarnissaannik, aammalu immikkoortunik nutaanik pilersitsisoqarnissaa pineqarpoq - pingaartumik qitiusoqarfinnik inissiaqarfinnillu - kisianni pineqartumi matumani aamma inuussutissarsiuteqarfiit umiarsualiveqarfiillu pineqarput, Sanarfinermut Avatangiisinullu Ataatsimiititami politikkerinut oqaaseqaammi erserpoq.

Pilersaarut ataatsimiititap akuerissappagu – "Kommunimut pilersaarut Sermersooq 2028"-mik atserneqarsimasoq – Aningaasaqarnermut Inuussutissarsiornermullu ataatsimiititamut ingerlateqqinneqassaaq tassanngaanniillu kommunalbestyrelsimut akuerisassanngortinneqassalluni. Tamatuma kingorna sapaatit-akunnerini arfineq-pingasuni tamanut tusarniutigineqassasoq pilersaarutaavoq.

Paasititsiniaanerit

Sanarfinermut Avatangiisinullu aqutsisoqarfiup tusarniaanerup nalaani innuttaasut paasititsiniaavigissavai.

- Taamaasilluni innuttaasut pilersaarummut oqaaseqarnissaminnut aamma/imaluunniit siunnerfilimmik isorinninnissaminnut piareersimatinneqassapput, siunnersuummi allassimavoq

Kommunimut pilersarummi nutaaq aqqutigalugu sammisat nalinginnaasut pingaarnerit arfinillit pingaarnerutinneqarput aamma ilaatigut Qinngutsinnik, sissaq sinerlugu aqqummik, illoqarfimmi akulikinnerusumik sanaartornissaq kiisalu attaveqaatit aamma illoqarfimmi qitiusoqarfittut atuuffiit katillutik immikkut isiginiarneqartut arfineq-pingasuusut qitiutinneqarput.

Illoqarfiit pingaarnersaani suliniutip annertuup sumiiffiit suut allanngortinniarneqarnersut ataani assimi takukkit:

Powered by Labrador CMS