allannguineq

Pilersaarusiorluarneruneq ilinniartitsiffiulluarnerusarpoq

Sermersuumi meeqqanut atuarfeqarnernermi allannguinerup pitsaanerusumik ilinniartitsinissamut aningaasaqarnerulernerunissaq piffissaqarnerulernerunissamillu tunisissaaq

Klassimi ataatsimi atuartut pingasut allami tyvit atuartullu ikittut immikkut atuartinneqartut sumiiffinni assigiinngitsuni illoqarfimmi ataatsimi.

Kommuneqarfik Sermersuumi ukiorpaalussuarni pissutsit piviusut meeqqat atuarfianni taamaapput.

Taamaammat Meeqqanut, Ilaqutariinnut Atuarfeqarnermullu Ingerlatsiviup nukissaatit pigineqartut atuarfeqarnerup iluaniittut agguataarneqarneri suliareqqippai.

-Suliassarput tassaavoq aningaasat uagutsinnut atuagassarititaasut atorlugit pitsaanerpaamik atuarfimmik pigisaqarnissarput, Meeqqanut, Ilaqutariinnut Atuarfeqarnermullu pisortaq Søren Valbak oqarpoq.

Ukioq manna atuarfiusumi pilersaarusiorneq pitsaanerusoq ima isumaqarpoq ilaatigut atuarfinni ukiukkaartumik klassit 20-inik ikinnerusunik atuartoqaraangata kattunneqartalissammata. Soorlu Tasiilami Ittoqqortoormiinilu taamaaliorpugut.

Nuummi Atuarfik Hans Lyngimi immikkut klassit atuartinneqartut atuarfinnut allanut nuutsinneqarput ilinniartitsisunik pitsaanerusumik atorluaaniarluta kisianni aamma pitsaanerpaamik atuartinneqarnissaat qulakkeerniarlugu.

Aammattaaq Nuussuup Atuarfiani 10. klassimi atuartut arfineq marluk nuunneqarput peqatiminni kisimiissanngimmata.

-Nungussaanngitsunik aningaasaateqanngilagut. Taamaammat pingaaruteqarpoq aningaasaatitta pitsaanerpaamik atorneqarnissaat, Søren Valbak oqarpoq.

Siunissami ukiup atuarfiusup aallartinnginnerani ingerlatsiviup nalilersuifffigeqqaartarniarpaa atuarfinni ataasiakkaani pilersaarusiorneq naleqquttuunersoq.

Powered by Labrador CMS