mittarfiit

Pilerisaarut: Mittarfinnut aningaasaliisartunut akileraarut annikinnerusoq

Naalakkersuisut akileraaruseriaatsimik pilerinarsaanikkut, Ilulissani, Nuummi Qaqortumilu mittarfiliortitsinissamut aningaasaliisartut pilerisaarpaat.

Kronprinsfamilien i Grønland, Air Greenland, Nuuk Lufthavn
De udlændinge, som ventes at skulle bygge de nye lufthavne, kan slippe billigere i skat, foreslår Naalakkersuisoq via en ny lov, der skal hastebehandles.

Sulisartut avataaniik mittarfiliortussat, nunatsinni najugaqartutuulli akileraartitaassanngillat.

Akileraarut 35 procenti

Killormuanilllu inatsissatut siunnersuummi nutaami, ullumi saqqummiunneqartumi sapaatip-akunneratalu tulliani oqaluuserineqapallattussami, avataaniik suliartortut ilanngaasiinnginnermi isertitaat 35 procentimik akileraaruserneqassanngitsut. Paarlattuanik pineqartoq inummut ilanngaammik il.il. atuinissamik pisinnaatitaassanngilaq, Aningaasaqarnermut Akileraartarnermullu Naalakkersuisoq Aqqaluaq B. Egede siullermeerinninnermi saqqummiussassaani allassimavoq.

- Ataatsimiinnermi matumani siunnersuutip tassunga tunngasortaasa akuerineqarnerat, taamaalilluni aningaasaliisussanik avataaneersunik oqaloqateqarnermi ingerlatseqatigiiffiup isumaqatiginninniarnermi tunngavissaannik patajaallisitsinermut immikkut atorneqarsinnaavoq, taamaalillunilu Inatsisartut Naalakkersuisunut sulissutiginissaannik pisussaaffiliussaasa mittarfiit nutaat sanaartorneqarnerannik suliaqarnissaq siuarsarneqassalluni, Aqqaluaq B. Egede allappoq.

Kommunit avaqqunneqartut

Inatsissatut siunnersuummi ilanngunnneqarsimasut ilaanni avataaniit suliartortut akileraarutaat nunap karsianut tamaallaat tutsinneqarnissaannik qulakkeerinnittussaq. Akileraarutimmi agguarneqarnerini naliginnaasumik kommunit pissarsisaraluarput, uanili taamaattoqassanngilaq.

Aamma atuaruk: Inatsisissaq mittarfissat aningaasalersorneqarnissaannut qulakkeerinnittussaq

Tunngavilersuummii allassimavoq, "Sulisartut avataaneersut pineqartunut ilaasut kommuninut, assersuutigalugu suliffissaarunnermi ikiorsiissutinut, meeqqat atuarfiinut imaluunniit meeqqanik paaqqinninnermut, qaffasinnerusumik aningaasartuuteqartitsilerlutik nammakkersuisussaassanngitsut".

Nunap karsia mittarfissat aningaasalersornissaannut aningaasat pisariaqartitanik peqarnissaaa, inatsimmi ilanngunneqartut taakku marluk qulakkeerinnittuussapput.

Atorniarneqartussanut ikilisaataasinnaasoq

- Nunap karsianit qaffasinnerusumik aningaasalersuinermi taarsigassarsinissaq mittarfiliassanut ingerlatseqatigiiffimmi Kalaallit Airports A/S-imi pisussaq, annikillisinneqarsinnaassasoq naatsorsuutigineqarpoq, tamatumalu ingerlatseqatigiiffiup siunissami ernianut aningaasartuutaat annikillisissavai aammalu suliassami aningaasaqarneq pitsaanerulersissallugu aamma atuisunit akiliuteqarneq appasinnerulersissallugu, Aqqaluaq B. Egede oqarpoq.

Powered by Labrador CMS