Pikialasorsuaq
Pikialasorsuup pingaassusaanik misissuisussamik ICC ataatsimiititaliamik pilersitsivoq
ICC-p siulittaasoqarfia aamma Kalaallit Nunaanni immikkoortortaqarfia Pikialasorsuarmut ataatsimiititaliamik pilersitsipput, inoqarfinnut Avannaani Imarnersamik atuisunut Canadamiittunut Kalaallit Nunaanniittunullu Pikialasorsuarmut qaninnerpaamik najugalinnut tusarniaanissaq siunertaralugu
Inuit Issittormiut Siunnersuisooqatigiit siulittaasoqarfiat aamma Kalaallit Nunaannilu immikkoortortaqarfik Pikialasorsuarmut Ataatsimiititaliamik pilersitsitsipput, taanna ilaasortanit pingasunit siuttuuffigineqassaaq, taakkualu Iqalunni ullumikkut siullermeersumik aaqqissuussiniarlutik ataatsimeeqatigiipput.
ICC tusagassiuutinut nalunaarummi taama ilisimatitsivoq.
Ataatsimiititaliap inuttuarai Okalik Eegeesiak, nunanut tamalaanut kommissæritut, taanna ICC-mi siulittaasuuvoq, Eva Aariak, Nunavumi naalakkersuisut siulittaasorisimasaat, canadamiunut kommissæriuvoq, aammalu Naalakkersuisut siulittaasorisimasaat, Kuupik Kleist, kalaallit kommissæriattut toqqarneqarpoq.
Imarnersaq pingaarutilik
Avannaani Imarnersaq imarnersaavoq ammasoq sikumik kaajallallugu unguneqarsimasoq. Nunarsuup Affaani Avannarlermi anginersaavoq Qaasuitsullu Killeqarfiata avannaani uumassusillit pinngorarfiattut annerpaalluni.
Baffinip Kangerliumarngata avannarpasissuaniippoq Kalaallit Nunaata Canadamilu Umimmaat Nunaata akornanniilluni Ikerup ilaaniilluni (Smith Sundipand Nares Strædellu ilaani) imartaalluni naggueqatigiinnut Inunnut pingaaruteqarluinnartoq Issittumilu uumassusilinnut pinngitsoorneqarsinnaanngitsunut aamma pingaaruteqarluni, ICC ilisimatitsivoq.
ICC-p erseqqissarpaa, Avannaani Imarnersaq silap pissusaata allanngoriartorneranit sunnertiasuuvoq. Tamatuma eqqaani Inuit najugallit kissaatigaat Avannaani Imarnersatigoortumik umiarsuarnik angallannerup, takornariartitsinerup aalisarnerup, isumalluutinillu uumaatsunik misissuinerup/ineriartortitsinerup annertusivallaannginneranisumiiffimmit tamaannga peqataaffigineqartumik aqutsinissamut periarfissat misissorusullugit.
Ilisimasanik katersineq
- Ataatsimiitsitaliamut piginnaatitsissut tunngavigalugu Inoqarfinni naggueqatigiitInuit tusarniaaffigineqassapput tamaani atuinermik pinngitsuuisinnaannginnerannut tunngatillugu ilisimasaannik Avannaanilu Imarnersap siunissami atorneqarnera suleqatigiiffigineqarneralu pillugit qanoq takorluuisoqarnersoq katersisoqarluni, ICC allappoq.
Ataatsimiitsitalip Canada Issittortaani tusarniaanerit upernaap ingerlanerani aallartissavai, Kalaallit Nunaannilu inoqarfiit imaroreeriarpat angallavigineqartussaallutik. Ataatsimiitsitaliap nalunaarusiaa Avannaani Imarnersaq pillugu inassutitalik tamanut ammasumik saqqummiunneqassaaq 2016-ip ukiaanerani.
Massakkuugallartumik Ataatsimiitsitaliamut aningaasaliisuupput Oceans North Canada, Oak Foundation aamma World Wildlife Fund, sulilu allaniit pisariaqartumik aningaasaliisussarsiortoqarluni.