atugarliortut

Piitsut amerleriartut

Ukiut sisamat ingerlanerini piitsut 10 procentinik amerleriarput

2011-mut sanilliullugu 2015-imi inuit piitsut 149-nik amerleriaateqarput. Naatsorsueqqissaartarfimmit kisitsisit nutaat tamanna takutippaat.

Inuit 1.474-it 2011-imi piitsuunermut killigititaq ataallugu inissisimapput. Taakku amerlassusaat 2015-imi 1.623-inut amerleriarput.

Atuaruk: Nunami naligiiffiunngitsumik naligiissitaaneq pillugu sorsunniarpugut: Akissarsiat assigiinngitsorujussuit

Nunaqarfinni amerlanerusut
Innuttaasunut allanut sanilliullugu qanoq isertitaqarneq aallaavigalugu, piitsuussusermut periutsimik Naatsorsueqqissaartarfik atuivoq (faktaboks takuuk).

Ataatsimut isigalugu innuttaasut 4 procentii piitsuunermut killigititaq ataallugu inissisimapput. Taamaattorli amerlassusaat illoqarfinni nunaqarfinnilu annertuumik assigiinngissuseqarput. Illoqarfinni 3 procentimiippoq, nunaqarfinnilu 8 procentersuarmi inissisimavoq.

Atuaruk: IA-mi siulittaasoq: Naligiinnginneq akiussavarput

Illoqarfinni amerleriartut
Ukiut sisamat taakku ingerlanerini piitsut amerleriarnerat illoqarfinniunerusoq pivoq.

2015-imi illoqarfinni piitsut amerlanerpaat ukunaneerput, Tasiilaq, Qaanaaq aamma Upernavik. Uummanami ikinnerpaallutik 1 procentiinnarmiipput.

Powered by Labrador CMS