Piiaanissamut akuersissut maannamut ukiuni arfineq-marlunni utaqqigaat
Aatsitassarsioqatigiiffik Tanbreez piiaanissamut akuersissummik suli pissarsinngilaq, naalakkersuisoqatigiinnilli nutaanit Kujataani suliniut siuarsaavigineqassasoq neriuutigalugu
Australiamiut aatsitassarsioqatigiiffianni Tanbreezimi, Killavaat Alannguanni suliaqartumi, pisortap Greg Barnesip, naalakkersuisoqatigiilersussat qanoq isikkoqarnissaannik ullumikkullu aatsitassanut, suliffeqarnermut, nunami namminermi pissutsinut nunanillu avannarlernik suleqateqarnermut naalakkersuisoq, Vittus Qujaukitsoq, naalakkersuisutut ingerlaannassanersoq pissanngatigalugu utaqqivaa. Tassami naalakkersuisup aatsitassarsioqatigiiffiullu akornanni suleqatigiinneq isumalluarnartuusoq, oqaatigineqarpoq.
– Vittus Qujaukitsoq sulilluarpoq. Tunniusimalluarpoq aatsitassarsiornikkullu suliniutit ingerlalersinnissaannik soqutiginnilluni. Qinnuteqaatigeqqaarsimasarput ingerlaavartumik nutartertarsimavarput, naalakkersuisoqatigiilersussanilu kina aatsitassanut naalakkersuisunngussanersoq aatsitassallu eqqarsaatigalugit qanoq suleriaaseqassanersut pissangalluta utaqqivarput. Najukkami inuiaqatigiinnit naalakkersuisunillu tapersersorneqarnitsigut suliniut siuariartissinnaagipput qularinngilarput, Greg Barnes oqarpoq ilanngullugulu oqaatigalugu, aatsitassarsioqatigiiffik Killavaat Alannguanni piianissamut akuersissummik utaqqinermi kingumut ukioq manna misissuinermik suliaqarluarsimasoq.
Allaaserisaq tamaat Sermitsiami saqqummeqqammertumi atuaruk. Uani ataani aviisimut isissutissarsigit: