Nuugaatsiaq
Pigisat utertinneqarput
Nuugaatsiami innuttaasut amerlanersaasa pisattatik tigusimalerpaat.
Ullumi Issittumi Sakkutooqarfik Nuugaatsiamiarmiut innuttaasuisa pigisaannik tunniussivoq.
Innuttaasut pigisaasa aaneqarnissaasa suliarineqarnera Kommunimit aaqqissuunneqarsimavoq.
- Pigisaat utertissimalerpagut, Qaasuitsup Kommuniani ingerlatsivimmi pisortaq, Sivso Dorph oqarpoq.
Qimangunneqarsimasulli ilaasa mikinerusuni ineqartinneqarnerat pissutigalugu taakku pisattatik tigusinnaanngikkallarpaat.
- Taakku pisattaminik inissaqartitsinngikkallartut pisataat containerinut inissikkallarsimavagut. Taamaakkaluartoq qaqugukkulluunniit pisattatik tigusinnaavaat, Sivso Dorph oqarpoq.
Ummannami upalungaarsimanermik suliaqartut pingasut Illorsuarmilu Nuugaatsiamilu kommunefogedit pigisanik aallernermi suleqataatinneqarput.
- Issittumi Sakkutooqarfik taakkuli assorsuaq sulilluaqaat, Sivso Doprh oqarpoq.