udbytte
Piginneqataasunut iluaqutaasunik akileraarutinut malittarisassaqarpugut
Piginneqatigiissutinik aktianik pisisartut Grønlandsbankimi piginneqatigiissutinik pisisartuugunik Danmarkimi aningaaserivinni piginneqatigiissutinik pissarsianit amerlanerujussuarnik pissarsisassagaluarput
Procentit marluk. Svendborg Sparekassep ukioq manna piginneqataasunut iluanaarutisiassatut naleqassutsimi ilaa taama annertutigisoq tunniuppaa. Taamaasilluni sparekasse Danmarkimi aningaaserivinni iluanaarusiaqartitsinersaavoq.
Kalaallilli Nunaanni kisitsisit allarluinnaapput.
Taamatut allappoq Jyllands-Posten, taassumalu Grønlandsbankimi Danmarkimilu aningaaserivinni iluanaarutisiatut tunniunneqartartut sanilliussimavai. Iluanaarutisiaritinneqartartut assigiinngitsorujussuupput.
Tassami iluanaarutisiaritinneqartartut Kalaallit Nunaanni annersaapput, Nunatsinni selskabinut akileraarut ilanngunneqarneq ajormat. Tamatuma saniatigut akileraarutinut malittarisassaqarpugut piginneqataasunut iluaqutaanerusunik, Jyllands-Posten allappoq, ilanngullugulu paasissutissiissutigaa Grønlandsbanki ukiuni kingullerni pingasuni piginneqataasunut aktiamut ataatsimut 10, 30 aamma 55 koruunit iluanaarutisiaritittarsimagai.