pitsannguineq
Piareersimaneq qulimiguulimmik annaassiuniummik nutaamik pitsaanerulertoq
Annaassiniarnissami upalungaarsimaneq qulimiguulimmik annaassiuniummik nutaamik pisinerup kingorna pitsaassutsinik arlalinnik qaffariartoq, Air Greenland Air Greenland ullut tamaasa qulimiguulimmik S-61-imik pisineq ajorpoq.erseqqissaavoq
Air Greenland ullut tamaasa qulimiguulimmik S-61-imik pisineq ajorpoq.
Qulimiguullit pioreersut 1965-imeersuupput. Timmisartuussinermi nalinginnaasumi atorneqarunnaarsimapput 2013-illi aallartinnerani ujaasinermi annaassiniarnermilu suliassani qallunaatut SAR-imik taaneqartartumi piareersimatinneqarlutik.
Neqeroortitsinermi ajugaasoq
Air Greenland ukiuni marlunni tulliuttuni 2018-imut sivitsorneqarsinnaasumi naalagaaffiup ujaasinermut annaassiniarnerullu neqeroortitsinerani toqqarneqarpoq. Tassunga atatillugu suliffeqarfik qulimiguulimmik S-61-imik nutaanerusumik atornikumillu kingullermik Irlandimi sinerissami nakkutilliisuni atorneqarsimasumik pisisimavoq, timmisartuutileqatigiillu atukkamikkut pitsaanerulerlutik.
Annaassiniutaajuaannartoq
Air Greenlandip qulumiguua nutaaq aallaqqaammulli annaassiniarnermi atorneqarsimavoq. Taannalu timmisartuutileqatigiiffiup maanna S-61-imut pigeriigaanut inunnik angallatsisutut aamma atorsimasumut sanilliullugu assigiinngitsutigut pitsaanerussuteqarpoq.
Atortut pitsaanerit
Qulimiguulik assigiinngitsorpassuarnik atortorissaaruteqarpoq annaassiniaanermut ajornannginnerulersitsisussamik.
Air Greenlandimi pisortaanerup Michael Højgaardip qulimiguulimmik annaassiniummik pisinerat pillugu apersorneqarnera aamma Sermitisiaq normu 39-mi atuaruk. Aviisi pisiniarfimmi pisiarisinnaavat imaluunniit uani ataani tuugassaq toorlugu atuarsinnaavat.