inuusuttut suliffissaaleqisut
Piareersarfinni inissiat amerlineri iluaqutaappat?
Nuna tamakkerlugu atuarfiup annertusillugu aaqqiissuteqarfiginerata kinguneri, Sara Olsvigip paasisaqarfigissallugu kissaatigaa
Inuusuttut suliffissaaleqinerat unittoorsimasutut ippoq. Taamaattumik politikerit Piareersarfinni inissat amerliniarlugit aalajangiunnikuuaat.
Taamtut aaqqissuussinerup siunertaraa, atuartut kalaallit suliffeqarfiinut ilisaritillugillu piareersarnissaat, taamaalilluni amerlanerusut suliffittaarniassammata imaluunniit ilinnialerniassammata. Kisianni tamanna iluatsippa?
Tamanna IA-mit Inatsisartunut ilaasortap, Sara Olsvigip paaserusuppaa.
Suliffissaaleqineq ernumassutigigaa
Taamaattumik Naalakkersuisunut apeqqutigaa, atuarfimmi inissat amerlinerinit qanoq angusaqarsimaneranik nalilersuisoqarsimanersoq, aammalu inuussuttut meeqqat atuarfianni ilinnialleqqinnissaannut aaqqiissutigineqartut nalilersorneqaqqammernersut.
- Inuit Ataqatigiit inuussuttut suliffissaaleqisut suli amerlanerat ernumassutigaarput apeqquserparpullu naammattunik iliuuseqartoqarsimanersoq. Piareersarfiit inuusuttunut iliuusissatut naammattutut isigisimanngilarput paaserusupparpullu Piareersarfinni inissat amerlinerinit qanoq angusaqarsimaneranik nalilersuisoqarsimanersoq, IA-meersoq apeqquteqarnermini taama tunngavilersuivoq.