Piareersarfimmi ipadsit 20-t sinneqartut tillinneqartut

Sisimiuni Qeqqata Akademimi marloriarluni tillinniartoqarnerata kingorna, Sisimiuni politiit takunnittussarsiorput.

Atuarfiup ilisimatitsissutigaat, tillinniartoqarnerani uku tiguneqarsimasut:

• Computerit angallattakkat qernertut pingasut. Skærmit 17 tommit 'ABook HDS'-imik meqqillit.
• Iphone amermik puulik ataaseq
• Usb ataaseq mikrofonimut ikkuttagaq

Taassuma saniatigut usb-t tungujortut amerlassusaat ilisimaneqanngitsut, Qeqqata Akademimik allaqqasut tillinneqarsimapput.

Angut sapaammi unnukkut nalunaaqutaq qulingiluat missaani atuarfimmi takuneqarsimavoq. Taanna 175 cm missaanni angissuseqarpoq.

Taannaannaanngilarli, tassami ippassaq marlunngornermi 14. juni, politiit tillinniartoqaqqissimaneranik nalunaarfigineqarput.

Takunnittunik ujaasisut
Tassanilu atuarfimmi Apple Ipad Airit 21-t tillinneqarput.

Politiit maanna suliaq pillugu ilisimasaqarnerusunik imaluunniit angummik atuarfiup eqqaani takunnittunik amerlanerusunik ujaarlerput.

Atuaruk: Nuummik gadgetinik tilllinniarnerujussuup kingorna ataaseq tigusarineqartoq

Sisimiuni politiit attavigineqarsinnaapput, oqarasuaat 70 13 22.

Suliat taama ittut allat assigalugit, politiit tillitat pillugit mianersoqqusipput, taakku illoqarfimmi inuinnarnik tuniniarneqarsinnaammata.

Sisimiunit oqaluttuat tamaasa atuakkit