pilluaritsi
Piareersarfik, Qaqortoq: Lærlingit nutaat ilinniakkaminnik naammassinnipput
Ukioq manna Qaqortumi Piareersarfimmit lærlingit 15-it naammassipput
Pisartut Qaqortumi Piareersarfimmi nuannisaqatigiittoqarpoq, lærlingit ilinniakkaminnik naammassinnittut allagartartaartinneqarmata, tamatumalu kingorna kaffisoqatigiittoqarluni, Qaqortumi Piareersarfimmi pisortaq Poul H. Jørgensen oqaluttuarpoq.
Lærlingit ilinniakkaminnik naammassinnittut juulip 31-anni nalliuttorsiutigineqarput. Ulloq taanna naammassisut, aammalu ukioq manna siusinnerusukkut naammassisimasut, ukioq mannalu kingusinnerusukkut naammassinnittussat, Poul H. Jørgensen paasissutissiivoq.
Lærlingit 15-it nalliuttorsiutigineqarput. Sanasutut lærlingit ukioq manna ukiuni siuliinit amerlanerulaarput, allaffimmiutut pisiniarfimmiutullu lærlingit socialhjælperillu ukioq manna ukiunit siuliinit ikinnerulaarput.
– Piareersarfimmit inuusuttut ilinniagaqartinnissaannut praktikkerfinnit tapersersorneqarluarnerput nuannaarutigaarput, taamatuttaarlu naggataarnersiorneranni peqataanerat nuannaarutigaarput, Poul H. Jørgensen oqarpoq.
Lærlingit 15-it tassaapput: Inunnguaq Åge Hammeken, entreprenørmaskiinanut mekanikeri, praktikkersimavorlu Greenland Mining Service A/S-imi. Martin Simonsen, sanasoq, praktikkersimalluni Sanasumut Aps.-imi. Navarana Jakobsen, TMI-allaffissorneq, Kommune Kujallermi praktikkersimalluni. Uteeraq Tønnensen, sanasoq, Nørskov Gruppenimi praktikkersimalluni. Karoline Mikaelsen, illunik qalipaasoq, Nørskov Gruppenimi praktikkersimalluni. Bent Julius Knudsen, sanasoq, Entreprenørforretning-imi praktikkersimalluni. Benigne Boassen, TNI-butik, Qaqortumi Brugsenimi praktikkersimalluni. Kaalannguaq Lynge Samuelsen, TNI-butik, Butik 99-imi praktikkersimalluni. Jørgen NIelsen, VVS Montøri, Qaqortumi VVS-Service-mi praktikkersimalluni. Ole Enoksen, VVs-Montøri, Nørskov Gruppenimi praktikkersimalluni. Stine-Lotte Rachlev, Terminalimi sulisoq, Royal Arctic Havneservice-mi praktikkersimalluni. Frank Jakobsen, Ernæringsassistenti, utoqqaat illuanni Ajarsivasimmi praktikkersimalluni. Bjarne Knudsen, sanasoq, Permagreen Qaqortumi praktikkersimalluni. Gerda Motzfeldt, socialhjæleri, Meeqqerivik "Aqqalu"-mi praktikkersimalluni.