Piaaffik ungasissumiittoq innuttaasunut ataatsimiititsissutaassaaq

Ironbark Zinc Limitedip Citronen Fjordimi zinkimik aamma aqerlumik peqarfimmi piiaanissamik qinnuteqaataanut tunngatillugu Naalakkersuisut innuttaasunik ataatsimiisitsinissanut novemberip naalernerani pisussanut tamanut aggersaapput.

Kangerlussuarmi, Sisimiuni, Ilulissani aamma Nuummi innuttaasunut ataatimiisitsisoqassaaq.

Atuaruk: Ironbark Zink royaltymik akiliiumanngitsoq

Tusarniaanermut najoqqutassat tamanut saqqummiunneqarnerinut aamma Namminersorlutik Oqartussat nittartagaanni tamanut tusarniaassutigineqarnerannut atatillugu tamanut ammasumik ataatsimiititsinerit oqartussaasunit ingerlanneqassapput.

Naalakkersuisut.gl-mi atuaruk: Ironbark Zinc pillugu tusarniaaneq

Innuttaasunut ataatsimiitiitsinerit innuttaasut suliassaq pillugu nassuiaanneqarnissamut tamatumalu kingorna suliassamik piginnittuusunut, oqartussaasunut aamma suliassaqarfimmi immikkut ilisimasalinnut arlaannaannulluunniit attuumassuteqanngitsunut apeqquteqarsinnaanissaat periarfississavaat.

Naalakkersuisut aamma peqataassapput
Illoqarfinni marlunni piiaaffimmut qaninnerpaasunut Qaanaami aamma Ittoqqortoormiini ataatsimiititsisoqarumaarpoq.

Illoqarfinni ataatsimiiffiusussani tulliuttuni aningaasaqarnermut aatsitassaqarnermut nunanullu allanut naalakkersuisoq, Vittus Qujaukitsoq (S), nuussutissarsiornermut, suliffeqarnermut, niuernermut nunanullu allanut naalakkersuisoq, Randi Vestergaard Evaldsen (D), avatangiisinut, pinngortitamut inatsisinillu atuutsitsinermut naalakkersuisoq, Mala Høy Kúko (A), ommunini borgmesterit, DCE-mit immikkut ilisimasallit kiisalu Ironbarkimeersut peqataassapput.

Atuaruk: Piiaaffik milliardilinnik akilik aallartilerunarpoq