Peter Olsen: Naalakkersuisut ingerlatseqatigiiffinnut akileraarut apparniarpaat?
Ingerlatseqatigiiffinnut akileraarutip Naalakkersuisunit appartinneqarniarnersoq Inatsisartuni ilaasortamit Peter Olsenimit apeqqutigineqarpoq
- Ingerlatseqatigiiffinnut akileraarutip 30 procentiusup affaannaanngortinnissaanik Naalakkersuisut siunertaqarpat?
Inatsisartunut ilaasortaq Peter Olsen (IA) paragraf 37 tunngavigalugu Naalakkersusunut taama apeqquteqaateqarpoq.
Aningaasaqarnermut naalakkersuisoq Pele Broberg, AG-mut aggustip aallaqqaataani saqqummersumi oqarpoq, ingerlatseqatigiiffinnut akileraarut apparmissaanut sulissuteqarniarluni.
- Ingerlatseqatigiiffinnut akileraarut iluamik sunniuteqassaguni annertuumik appartinneqassaaq, Pele Broberg AG-mut ilaatigut oqarpoq. Ingerlatseqatigiiffinnut akileraarutip 15 procentimut appartinneqarnissaa ornigalugu Pele Broberg ilaatigut oqarpoq.
Peter Olsenip taamaattumik paaserusuppaa Naalakkersuisut tamanna isumaqatigineraat siunnerfigineraallu.
- Ingerlatseqatigiiffinnut akileraarutip affaannanngortinneqaraluarpat ingerlatseqatigiiffinnut akileraarutit qanoq annertutigisut nunatta karsiata annaassavai?, Peter Olsen ilaatigut aperaaq.
Pele Brobergip AG-mit apersorneqarnera aviisimi AG-mi, aggustip aallaqqaataani saqqummersumi tamakkiisumik atuarneqarsinnaavoq. Aviisi uani pisiariuk: