Peter Olsenip siulittaasoqarfimmi Hans Enoksen taarserpaa
Hans Enoksenip Inatsisartut siulittaasoqarfiannit tunuarniarluni aalajangernerata kingorna, siulittaasup tulliata sisamaattut atorfia Inuit Ataqatigiinnut tunniunneqarpoq.
Annonce
Partii Naleraq Inatsisartut Siulittaasoqarfianni ilaasortaatitaqarunnaarpoq, partiip siulittaasuata Hans Enoksenip siulittaasoqarfimmit tunuarmat.
Inatsisartut Siulittaasoqarfiat ima ilaasortaatitaqalerpoq:
- Siulittaasoq: Vivian Motzfeldt (S)
- 1. siulittaasup tullia: Mimi Karlsen (IA), sinniisaa: Stine Egede (IA)
- 2. siulittaasup tullia: Randi Vestergaard Evaldsen (D), sinniisaa : Justus Hansen (D)
- 3. siulittaasup tullia: Jess Svane (S), sinniisaa : Henrik Fleischer (S)
- 4. siulittaasup tullia: Peter Olsen (IA), sinniisaa : Sofia Geisler (IA)
Taamaalilluni Hans Enoksenip siulittaasoqarfimmi ilaasortaaffia Peter Olsenimut IA-meersumut tunniunneqarpoq.
Inatsisartut isumaqatigiillutik siulittaasoqarfimmi ilaasortanik innersuussineq akuersissuteqarfigaat.