nuannarineqartoq
Hans Peter Kleemann iTunesimi siuttuusoq
Nipilersgaq Palasi nutaamik immiunnerani Hans Peter Kleemann iTunesimi siuttunngorpoq.
Hans Peter Kleemannip niplersugaa iTunesip danskisoortaani nipilersukkani tunineqarnerpaatut maanna inissisimavoq.
Taanna nipilersugaq 'Palasi' 18 minutsinik sivisussuseqartoq nipilersukkanik tusarnaarfiusartumik nuannarineqarluarpoq. Nipilersortartorpassuit tassani nipilersukkami ‘Palasi - Directors Cut'-imik taaguuteqartumi immiussaqataapput.
Hans Peter Kleemannip nipilersoqatigiinni Piitsukkunni taanna 1980-imi saqqummerseqqaarmagu aalassattoqarpoq. Nipilersukkap Nunatta ajoqersuiartortitaata siulliup Hans Egedep aamma inuiaat upperisakkut naqisimaneqarnerannik sakkortuumik isornartorsiorneqarnera, upperisaqartut sakkortuumik qisuariartippai. Taakku nipilersugaq KNR-imi appisimaarneqarsinnaajunnaartinnissaat iluatsissimavaat.