perorsaasut

Perorsaasut ilungersunartumik annertuumik amigaatigineqartut

Perorsaasunik ilinniarsimasunik paaqqinnittoqartarneranut tunngatillugu, Kommuneqarfik Sermersuumi minnerit ajorsartuupput. Tamanna perorsaasunik ilungersunartumik annertuumik amigaateqarnermik pissuteqarpoq, tamannalu kommunip inatsisitigut piumasaqaatit malinnissaat ajornartorsiutigineranik nassataqarpoq.

Manglen på pædagoger er særdeles kritisk, fordi forskning viser, at jo bedre kvalificeret pædagogisk indsats, der ydes tidligt over for børn i førskolealderen og særligt over for udsatte børn, jo bedre klarer de sig senere i livet.

Gonzales Photo/ Carsten Fjellerad / Polfoto

Jørgen Schultz-Nielsen

marlunngo 12. sep 2017 08:18

Annonse

Kommunip perorsaasutut atorfissarititaasa affaat maanna inuttaqanngillat - atorfinnit 104-nit 52-it.

Meeqqat minnerit tassani eqqorneqarput.

Perorsaaunik amigaateqarnerup meeqqat inuusuttullu pitsaassutsimik qaffasissumik naammaginartumik neqeroorfiginissaannut periarfissaq ajornakusoortikkaa, Meeqqanut Atuarfeqarnermullu aqutsisoqarfimmi pisortaq Helene Broberg Berthelsen ataatsimiititamut ilisimatitsivoq.

- Komuunillu meeqqeriviini arlalinni ilinniarsimasunik sulisoqarnissamik ajornartorsiuteqarnerup nassataraa, pitsaasutimik piumasaaqaatinut naapertorlkugit angumassinaajunaarnerit annertuut. Aammalu meeqqanik naamaginartumik pitsaasusiliineq najoqqutaralugu ullormut meeqqanik sullissisarneq eqqarsaatigigaanni, illoqarfiit pingaarnersaanni kommunimi politikerinut pisortap suliamik saqqummiussinermini allappoq.

Aaamattaaq ilinniarsimasunik kiisalu aamma ilinniarsimanngitsunik sulisoqarnermi ajornartorsiuteqarneq nassatarineqartoq, napparsimasoqartillugu sulisut akornanni, napparsimasumut taartaasinaasumik nassaarsinaaneq ajornartorsiutigineqartoq uparuarpaa.

Ilungersunarluinnartoq
Perorsaasunik amigaateqarneq ilungersunarluinnartuuvoq, ilisimatusarnerummi takutippaa, meeqqanut suli atualinngitsunut perorsaanermik pitsaasumik siusinaarluni iliuuseqaraanni, ingammillu meeqqanut atugarliortunut, inuunermik kingusinnerusukkut ilinniarnermut tunngatillugu angusaqarluarnerusarput.

Naak perorsaasutut atorfiit inissiamik neqeroorutilerlugit misilinneqaraluartut, atorfinnik amerlanerusunik inuttalersuinermut iluaqutaasimanngillat.

Ingerlatsiviup immikkut ittumik iliuuseqarluni, danskit perorsaasunngorlaat pilerisaarlugit iliuuseqarnissamik isumaliuteqartoqarpoq, Ilulissani perorsaanermik ilinniarfik ukiumut perorsaasunik taamaallaat 20-nik ilinniartitaqartarami, tamannalu naammanngilluinnarpoq.

Meeqqanut Atuarfeqarnermullu ataatsimiititaliaq ullumi ataatsimiissaaq, tassanilu perorsaasunik amigaateqarnermut tunngatillugu qanoq iliortoqarnissaa paasiniassavaat.