isornartorsiuinerup kingorna
Perorsaasut ilinniartitsisullu meeqqat illersuisuat taperserpaat
Meeqqanik paarinerluisoqartillugu kommuunit arriippallaamik iliuuseqartarput, peqatigiiffiit arlaqartut MIO ilaatigut tassuuna taperserpaat
Nunatsinni perorsaasut aamma ilinniartitsisut meeqqat illersuisuata, Aviâja Egede Lyngep, meeqqat Qaasuitsup Kommuniani atugaat pillugit ernumassuteqarnini tamanut ammasumik nalunaarutigimmagu nuannaarutigaat.
Radioaviisimi tamannna oqaluttuarineqarpoq.
- Tassa ukiorpassuarni aamma ilisarisimasarivarput, Kalaallit Nunatsinni meeqqat sumiginnagarparujussuit avannaaniinnaanngitsoq, nunatta sineriaa tamaat aamma isigalugu, Naussúnguaq Bisgaard KNR-mut oqarpoq.
KNR-mi atuaruk: Meeqqat Illersuisuata isornartorsiuinera peqatigiiffiit paasisinnaavaat
Perorsaasut aamma ilinniartitsisut meeqqat atugarliortunut aamma atornerlugaasunut siullerpaallutik paasinnikkajuttarput. Pissusissamisuunngitsumillu pisoqartillugu siulliullutik kommuunimut nalunaartuusarlutik.
Kommunit kigaatsut ajornartorsiutaasut
Tassanilu ajalusoortoqartarpoq, kommuunit suliarinninnerisa arriippallaarnerat pissutigalugu.
Tamannalu suliassat amerlavallaarnerinik imaluunniit sulisut taarseraappallaarnerinik peqquteqarsinnaasoq, perorsaasut taama oqarput.
Atuaruk: Qaasuitsup Kommuniata meeqqat pisinnaatitaaffii unioqqutippai
IMAK-ip siulittaasua, Sivso Dorph, meeqqat illersuisuata isornartorsiuinera taperserpaa, nuna tamakkerlugulu ajornartorsiutaanerarlugu.
Nassuerutiginninneq amigaataavoq
- Taamatut saaffiginnittoqaraanga, saaffiginnittut pillugit arlalitsigut kommunini tamani arriippallaartumik illiuuseqartoqartarpoq, Sivso Dorph oqarpoq.
- Ajornartorsiut nassuerutigineqartariaqarpoq, tassaanngaanniillu sulineq aallartillugu.
Atuaruk: Meeqqat illersuisuat: Qaasuitsup isornartorsiorneqarnertik nuannarinngilaat
Tamanna pineqartoq pillugu Sermitsiaq.AG-mi allaaserisat uani atuakkit