piumaneqartut
Perorsaasunngortut 20-t nutaat
Najugaq qimannagu Nuummi perorsaasunngorniarlutik ilinniartut tallimanngornermi allagartartaarput
Perorsaasunngortut 20-t nutaat tallimanngorpat pisortamit Nuka Kleemannimit allagartartaartinneqarput.
Ukiuni pingasuni ilinniarneq suliffimmik misiliinertaqartoq maanna naammassivoq.
Massakkut ilinniarsimasut perorsaasutut sulinissartik imaluunniit qaffasinnerusumik ilinniaqqissanerlutik toqqarsinnaalerpaat.
Atuaruk: Perorsaasut suliffimminni pitsaanerusumik atugassaqartinneqarusuttut
Ilinniartut tamarmik angusipput, angusaallu agguaqatigiisillugu tassaavoq 10/B.
- Ilumoorpoq, massakkut perorsaasut pikkorissut inuiaqatigiinni sulinissaminnut piareertutut oqaatigineqarsinnaapput. Ullumikkummi perorsaasut sli Nunatsinni amigaataapput, pisortaq Nuka Kleemann oqarpoq.
Allagartartaarnerit PI/SPS-imi pingaartorsiutigineqartarput, perorsaasut nutaat ilaqutaasalu avataaneersut peqatigalugit.