namminersorneq
Perloqqusaaneq qaangiuppoq
Kielsenip namminiilivinnissaq pillugu suliniuteqarnerup arriillisinneqarnissaa pillugu oqarnera oqaluttuarisaanermi periarfissaavoq. Tamanna politikerinit qallunaanit atorluarneqartariaqarpoq, Nauja Lynge, imminut assortuuffiusumut pisittoq, isumaqarpoq
Kim Kielsenip namminiilivinnissaq pillugu sulissutiginninnerup unitsikkallarneqarnissaanik, tamatumalu siunissami kinguaassitsinnut isumagineqartussanngortinneqarnissaanik oqaasii Atlantikup avannaa ikaarlugu assigiinngitsunik isumaqarfigineqarpoq.
Tamanna Kalaallit Nunaanni tupaallaatigineqartoq oqaluuserineqarlunilu, Danmarkimi soqutigineqanngilaq.
Christiansborgimi tuagassiuutinit arajutsivissorneqarsimavoq. Tamanna Nauja Lyngep uggornartippaa tupaallaatigalugulu.
– Kielsenip oqaaseqarnera aqqutissiuisuuvoq. Nalunaarut malunnaatilik. Tamanna sarfamut assorluni sapiiserneruvoq, Kim Kielsenilu taperserneqartariaqarpoq, aamma qallunaat politikeriinit. Tamanna ikioqquneruvoq; tamanna ministeriunerup akuerinngippagu ajorluinnassaaq, Nauja Lynge oqarpoq, taannalu Foreningen Rigsfællesskabety-imi siulittaasuuvoq Facebook-imi quppernermi »Rigsfællesskabet til debat« aaqqissuisuulluni.
Naalagaaffeqatigiinneq pillugu oqallinneq - nammineq isaanit isigalugu - qamilluinnarsimasoq ukiuni marlussunni kisimiilluni ikummarissuutinniarsimavaa. Ersarippoq suliassaq pingaartilluinnaraa. Århusip avannaa' tungaani illuanut AG-mit pulaarneqarani akunnerup aappaata affaani nipanginngijavilluni oqaluppoq.
Isumaasa pingaarnerit ilagaat Aleqa Hammondip nalaani piffissaq neriuuteqartuusaartitsisoq piviusorsiornermik taarserneqarsimasoq.
–Aleqa Hammondip piffaanngissuseq pillugu suliniuteqarnermik oqallinneq ungaseqisoq innuttaasunut ikummarissuutinniarsarisimavaa.Tamatuma kingunerisaanik Kielsenimut suli ajornarnerulerpoq innuttaasunut saaffiginnilluni namminiilivinnissaq pillugu nuannannerup unitseqqunissaa, Nauja Lynge oqarpoq.
Allaaserisaq AG-mi sapaatip akunnerani saqqummersumi atuaruk taannalu ataani pisiarisinnaavat.