Per B. talerperliusutut pissusilersussaaq

Siumumi aaqqiagiinngissutigineqarpoq partii suup tungaanut ingerlassanersoq. Allaat partiimi sorsuunnermik oqartoqarsinnaavoq, tamatumani aningaasaqarnermut Naalakkersuisup Vittus Qujaukitsup qarasaasiami attaveqaatit atorlugit "sakkutuuni" ingerlaqatigiissinniarsarimmagit.
Sermitsiaq.AG-p ullumi siusinnerusumi allanneratut ataasinngormat Vittus Qujaukitsip facebook-imi quppernermini Per Berthelsen sioorasaarpaa Inatsisartunut ilaasortaannartut uterniarluni, taamaasilluni Per Berthelsenip Inatsisartuni issiavini annaassallugu. Ilaasortaaneq tamanna pisimavaa VIttus Qujaukitsoq Naalakkersuisunut ilaasortanngorami inatsisiliortunut ilaasortaajunnaarmat.
Aamma atuaruk: "Siumut: Mianersussaagut
Aamma atuaruk: Siumumi akerleriinneq: Vittup Per B. anisinniarpaa
Ullup ingernanerani Sermitsiaq.AG-p Vittus Qujaukitsoq oqaaseqartinniarsimagaluarpaa, telefoniali matoqqajuaannarpoq.
Taannali radioavsimut tusagassiorfinnut nalunaaruteqarsimavoq, taannalu Sermitsiaq.AG-p issuaaffigaa:
– Naalakkersuisut aningaasaqarnermut pollitikkeqarput uanga akisussaaffigisannik. Per Berthelsenip politikki tamanna akerleriguniuk ilaasortaassutsini sumulluunniit atorsinnaanngilaa. Naammaginnissinnaanera killeqarpoq. Taamaattumik taamatut isumaliuteqarsimavunga.
Oqaaseqaatit malinnaaffigisinnaavatit Vittus Qujaukitsup facebook-imi quppernerani uani
Pisoq tamanna qanoq isumaqarfigaajuk? Ataani oqallinnermut peqataagit.