Peqquserlunnermut akiuiniarluni kaffillerneq

Transparency International Greenlandip FN’ip nunarsuaq tamakkerlugu peqquserlulluni iluanaarniarnerup akiorniarneranut ullorititaa malunnartillugu Transparency Greenland Katuami kaffililerpoq. Kikkut tamarmik tikilluaqqusaapput, kisianni Inatsisartunut qinigaarlaat immikkut qaaqqusissummik nassinneqarsimapput.

- Peqquserlulluni iluanaarniarnerup akiorniarneranut ullorititaq periarfissatsialaavoq takuteqqissallugu, maani nunami peqquserlulluni iluanaarniarnermut akiuianiarluni suliaqarneq aammalu ammasumik periuseqarluni aqutsinissamik kissaateqarneq ilumoorukkigut, taamaammalu neriuppugut aggialluartoqarumaartoq, Transparency International Greenlandip siulittaasua Anita Hoffer oqarpoq.

Kaffillermut peqataasut aamma kattuffiup qitisumik nunat immikkoortortaqarfiannut ataqatigiissaarisua Peter Varga, Transparency International Greenlandermiunut ulluni 4. decembarimiit 9. decembariimut tikeraartoq naapissinnaavaat.

Atuaruk: Nunatsinni peqquserluttoqannginnissaa anguniarlugu annertunerusumik suliniartoqalersoq

Atuaruk: Transparency: Kalaallit Nunaat politikkikkut ineriartorpoq

- Peqquserlulluni Iluanaarniarnerup Akiorniarneranut Nalunaarutaaterput iluatsilluaqaaq. Allagartarsuaq ilinniarfissanik nittarsaalluni Kalaallit Nunaanni angalaarnermi nassatarineqarpoq, aammalu Nuummi Inatsisartunut qineqqusaartitsinermi nivingatinneqarnikuulluni. Taamaammat atsiornerpassuarnik ulikkaalereerpoq, kisianni suli atsiornernik amerlanerusunik inissaqassaqqaarporaasit, Anita Hoffer oqarpoq.

Kaffeqassaaq nalunaquutaq 14.30-imit 16.30-mut. Qaasut ilaatigut periarfissaqassapput Peqquserlulluni Iluanaarniarneq pillugu Akiuinniarnermut Nalunaarummut atsiornissaminnut.