Ungasissumit atuartitsineq

Peqqissaasunngorniat e-læringimik atuartinneqartut

Ilisimatusarfimmi Napparsimasunik Paarsinermut Peqqinnissamillu Ilisimatusarnermut Ilinniarfiup atuartitsinermini teknologi nutaajunerpaaq atorpaa

Peqqissaasunngorniat onlinekut attaveqaat atorlugu atuartinneqassapput

Nuummi peqqissaasunngorniat qaammatini marlussunni tulliuttuni fagini anatomi aamma fysiologi-mi e-læring atorlugu atuartinneqassapput, taamatut Ilisimatusarfik allappoq.

Akunnernit atuartitsiviusussanit katillugit 120-t ikinnerpaamik akunnerni 75-ini onlinekut attaveqariaaseq Adobe Connect atorlugu atuartitsisoqassaaq, tassani ilinniagaqartut Nuummiillutik atuartitsisullu Danmarkimiillutik.

Ajornartorsiummik aaqqiissut

E-læring atorlugu aaqqissuussinikkut sulisussaaleqinermik ajornartorsiut aaqqinneqassaaq.

– Piffissami sivisuumi sulisunik atorfinitsitsiuminaatsitsisimavugut, taamaattumik e-læring uagutsinnut pitsaasorujussuuvoq. Ilinniartitsisut Nuummukartinnagit sivikitsumillu sakkortuumik atuartitsisinnagit e-læring atussavarput atuartitsiviup pifissamut sivisunerusumut siammartinnissaanut. Tamanna ilinniagaqartut ilikkarnissaannut aamma pitsaaneruvoq, Napparsimasunik Paarsinermut Peqqinnissamillu Ilisimatusarnermut Ilinniarfiup pisortaa Susanne Møller oqarpoq.

Ilinniartunut iluaqutaasoq

Fagimi ilinniartitsisoq Nabil Karas sivikitsumik Nuummeeriraluni Vejlemi University Colle Lillebæltimit peqqissaasunngorniat e-læring atorlugu atuartissavai.

– Atuartitseriaatsimi tassani imminut naalakkersinnaaneq akisussaassuseqarnerlu pisariaqaraluartut, ilinniagaqartut tamarmik tunniusimalluarput imminnullu ikiullaqqissuullutik, Nabil Karas oqarpoq.

Napparsimasunik Paarsinermut Peqqinnissamillu Ilisimatusarnermut Ilinniarfiup tikkuarpaa atuartitsinermi e-læringip atornera arlalitsigut iluaqutissartaqartoq. Ilinniagaqartut ilaatigut atuartitsinermi atortut piffissaqaraangamik samminerusarsinnaalissavaat.

Powered by Labrador CMS