peqqinnissaqarneq

Peqqinnissaqarfiup pujortaqqusiunnaarluinnarnissaq atuutsilerpaa

Juulip ulluisa aallaqqaataaniit atuutilersussamik peqqinnissaqarfimmut attuumassutilinnut tamanut pujortaqqusiunnaarnissaq atuutilissaq. "Peqqinnissaqarfimmi sulivugut pisussaatitaavugullu taama iliussalluta", Peqqissaasut pisortaat Ella Skifte oqarpoq

Fra den 1. juli er al rygning på grønlandske sygehuse forbudt

Nunatsinni peqqinnissaqarfik aalajangerpoq pujortartarneq unitsinniarlugu siuttuujumallutik.

Peqqinnissaqarfiup aalajangigaanni juulip aallaqqaataaniit atuutilersussamik sunilluunniit pujortaqqusiunnaarluinnarnissaq atuutilissaaq. Tassani ilanngullugit pineqarput tupa e-cigaritsinillu taasagaat.

- Peqqinnissaqarfimmi sulisuuvugut pisussaatitaavugullu taama iliornissatsinnik. Soorlu nalunngikkipput pujortarneq navianartuuvoq Nunatsinnilu assut ajornartorisutaalluni. Aaqqissuussaasutut maligassiuisussaavugut pujortartarnermullu pinaveersaartitisinermullu atatillugu aalajagnersimasumik isummertariaqarpugut peqqissaasut pisortaat Ella Skifte Sermitsiaq.AG-mut taama oqarpoq.

Sulisunut tamanut atuuppoq
Inerteqqussut nunatsinni peqqinnissaqarfimmi attuumassutilinnut tamanut atuuppoq. Soorlu assersuutigalugu sulisut, eqqiaasut avataaniillu siunnersortit pineqarput.

Silami illullu iluani pujortaqqusinnginneq atuuppoq.

Ikaarsaariarnermi piffissaq
Soorlu taaneqareersoq inerteqqussut juulip aallaqqaataaniit atuutilissaaq kisianni qaammatit pingasut siulliit ikaarsaariarfittut piffissaritinneqassaaq tassani unioqqutitsisoq taamaallaat oqaasiinnakkut inerterneqassalluni.

- Ilisimavarput pujortarunnaarniarluni qanoq erloqinartigisoq ;taamaattumik sulinerup nalaani pujortartannginnissaq taamaativissunnginnerani sapernanngitsumik ikaarsaariarneq piffissaritinneqassaaq, Ella Skifte oqarpoq.

Atorfeqarnermut tunngasunit unioqqutitsinerit
Taamaattorli oktobarip ulluisa aallaqqaataanit pujortarluni naammattoortikkaanni sakkortuumik pineqarnissaq iimagineqassaaq. Peqqinnissaqarfimmi aqutsisut namminneq pillaaneq ima taavaat "atorfeqarnermut tunngasunit unioqqutitsineq"

Kisianni nunatsinni napparsimaviit juulip ulluisa aallaqqaataanniit suli pujortartarfiugallassapput. Uninngasut ilaqutaasullu suli pujortarsinnaatitaagallassammata.

Powered by Labrador CMS