naammagittaalliuutit
Peqqinnissaqarfimmut naammagittaalliuutit amerleriarujussuartut
Peqqinnissamik sullissinermi kukkussutit pillugit naammagittaalliuutit ukiuni qulingiluani kingullerni 40 procentinik amerleriarsimapput.
Paragraf 37 naapertorlugu Kelly Berthelsenip, Inuit Ataqatigiit, apeqquteqaataanut peqqissutsimut naalakkersuisup Agathe Fontainip akissutaani tamanna takuneqarsinnaavoq.
Kukkusumik nakorsarneqarsimasut aamma kukkusumik nakorsaatitortinneqartartut qanoq amerlatigineri Kelly Berthelsenip paaserusuppaa. Tamannali apeqqut Agathe Fontainip akisinnaanngilaa, nuna tamakkerlugu paasissutissanik katersuivimmik peqanngimmat.
Illuanik Nunatsinni nakorsaaneqarfimmut naammagittaalliuutit suliassaat aamma Danmarkimi Styrelsen for Patientsikkerhedimut nassiuteqqitassaasa amerlassusaat kisitsisaatigineqarput.
Naammagittaalliuutinik suliat ukiuni tallimani kingullerni amerlassusaat:
2012: suliat 76-t
2013: suliat 70-t
2014: suliat 100-t
2015: suliat 82-t
2016: suliat 88-t
Uani qulaani piffissami suliat 316-t aalajangiiffigineqarput, sulianiulu 74-ini, tassa 23 procentiini, ataatsimut imaluunniit inunnut arlalinnut tunngatillugu isornartorsiuiteqartoqarsimasoq paasinarsivoq.
Nakorsaaneqarfiup 2016-imi ukiakku aamma upernaakkut 2017-imi peqqissaaviit pingasut pulaarsimallugit, Agathe Fontainip aamma ilisimatitsissutigaa, tassanilu napparsimasut isumannaassusaat ajunngikannersoq paasineqarpoq.