Skip to main content

Peqqinnissaqarfimmi sulisunut isumaqatigiissut uninngaannartoq

Qaammatit arfineq-marluk kingorna isumaqatigiissut allaqqissaarneqarsimanngimmat, peqqissaasunik amigaateqarneq annertusineqarpoq.

Peqqinnissaqarfik ukioq manna peqqissaasunikk naammattunik piffissami sivikinnerusumi imaluunniit sivisunerusumi sulisoqarniarnermi immikkut ittumik ajornakusoortitsivoq. Arlaqartullu oqarnerat naapertorlugu, peqqissaasunut sulisunullu allanut PPK ataaniittunut isumaqatigiissutip decembarip aallartinnerani isumaqatigiissutigineqartuåp allaqqissaarneqarsimannginnera pissutaasut ilagaat.

- Peqqissaasunut isumaqatigiissutip amigaataanera ukioq manna ilungersornerunitsinnut pissutaasut  ilagaat. Inuimmi atorfinnut akuersinnginnerminni akissarsiassatik ilisimarusuttarpaat, aqutsisoqarfimmi pisortaq, Malene Marie Nielsen, juunip 26-anni Sermitsiaq.AG-mut oqarpoq.

LÆS OGSÅ: Peqqissaasunik amigaateqarnerup sulisut aalajangersimasut ilungersortippai

Nakorsat peqatigiiffianni aamma siulittaasoq, Hans Christian Florian Sørensen, isumaqatigiissutip suli allaqqissaarneqarsimannginnera uggoraa.

- Sulisut kattuffii isumaqatigiissuteqarfigineqartut oqaluttuarisaanermi siullermeertumik akissarsiatigut 6 procentimik qaffaavigineqarlutik. Tamannalu Kalaallit Nunaanni qaqutigoorluinnarpoq. Taamaattumik uggornaqateqanngilaq isumaqatigiissut suli allaqqissaarneqarsimanngimmat taamaattumillu sulisussarsiorneq ajornarnerulluni atugassarititaasut nutaat saqqummiunneqarsinnaanngimmata, Hans Christian Florian Sørensen, sapaatip-akunnerata siuliani taama AG-mut oqarpoq.

LÆS OGSÅ: Nakorsat siulittaasuat: Sulisunik amigaateqarneq kukkunissamut qaninnerulersitsisoq

Isumaqatigiissutip allaqqissaarneqarsimannginneranut aningaasaqarnermut naalakkersuisoqarfimmi sulisunik amigaateqarsimanermik pissuteqarpoq. Naalakkersuisup Pele Brobergip (PN) §37 naapertorlugu Tillie Martinussenip (Sul) apeqqutanut akissummi tamanna atuarneqarsinnaavoq.

- Minnerunngitsumik ukiumi ataatsimi affarmilu isumaqatiginninniartarnermut pisortaqarsimanngilaq. Maannali aatsaat ulloq 1. juli 2018 atorfik inuttalerneqarpoq. Sulisut suliunnaarnerannut atatillugu atorfiit inuttaqanngikkallartarput, pisunilu allani isumaqatiginninniarnerit ingeriasut taakkulu naammassinerat sulianillu passussineq isumagineqartariaqartarput, aningaasaqarnermut naalakkersuisoq akissummini allappoq.

LÆS OGSÅ: Aasaanerani sulinngiffimmi Sana siniffinnik uninngavinnik matusivoq

- KANUKOKA-p atorunnaarsinneqarnerata kingunerisaanik ukiuni kingullerni isumaqatiginninniarnermik immikkoortortaqarfik malunniutilimmik tamaviaarnarnerulersimavoq.

Kisianni aningaasarsiat marsip naanerani qaffanneqarsimanerat, Pele Brobergip naqissuserpaa.

- Apeqqut 1-imut atatillugu nassuiaatigineqartutut akissarsiat aaqqigalliutaat annertunerit ukioq manna marsip naanerani pipput, maannalu isumaqatigiissutit sukumiisumik misissornissaat amigaataavoq. Ingammik peqqissaasunut isumaqatigiissut annertuumik aaqqigalligassartaqarpoq. Tamannalu suliassani pingaarnerutillugu maanna ingerlanneqarpoq, aningaasaqarnermut naalakkersuisoq neriorsuivoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER