Tasiilaq
Peqqinnissaqarfimmi sulisunut aallaammik sioorasaarinnittoq
Angut 20-nik ukikiuk tigusarineqarlunilu inuunermik sioorasaarisutut unnerluutigineqarpoq
Ataasinngornerup oktobarip 31-ata aamma marlunngornerup novembarip aallaqqaataata akornanni unnuakkut angut 20-nik ukiulik Tasiilami napparsimmavimmut aallaaserluni takkuppoq.
Angutip peqqinnissaqarfimmi sulisut tassaniittut aallaammik sioorasaarpai, tamatumalu kingorna sulisut qimaasinnarlutik napparsimmavimmi imminnut mattupput.
Aallaaserluni sinittoq
Politiit angutip sioorasaarineranik unnuakkut nalunaaqutaq 2.45 nalunaarfigineqarput. Politiit aggernerminni ujaarlerput, ilaatigut napparsimmaviup silataanut. Tassanilu naqqup ataanut ammukarfiup eqqaani angut nassaaraat, qisunnut pallenut ingilluni aallaasip eqqaani sinittoq.
Taanna pissanganartorsiornertaqanngitsumik tigusarineqarpoq, inuunermillu sioorasaarisutut unnerluutigineqarpoq.
Immersagaq imassalik
Angutip nassuiaatigaa inuunermini inissisimaffini kamaatigalugu, aammalu ajoqusiinissani siunertarinagu, kisianni sulisut tupatsinniarlugit taama iliorsimalluni.
Politiit allaat misissorpaat, tasssanilu paasinarsivoq aallaasip immersagaani imassaqartoq, kisianni aallaasip sulluaniunngitsoq.
Pisumut tunngatillugu igittoqanngilaq, aamma inunnik timikkut ajoqusertoqanngilaq.