parisimi toqoraaneq
Peqqarniisaarniatut pasisaq Tyrkiami tigusarineqartoq
Parisimi sapaatip-akunnerani kingullermi toqoraasoqarneranut qitiusumik inissisimaffeqartutut pasineqartoq akunnittarfimmi pilimasumi tigusarineqaqqammerpoq
Tyrkiami politiit angut Parisimi sumiiffinni Islamisk Statimit sapaatip-akunnerani kingullermi saassunneqartuni pissutsinik misissuisimasutut pasineqartoq tigusaraat.
Tigusarinninneq Tyrkiamiumit atorfilittamit kinaassusaa oqaatigineqanngitsumit Tyrkiami nutaarsiassaqartitsivimmut Doganimut uppernarsarneqarpoq.
Dogan naapertorlugu tigusarineqartoq tassaavoq Belgiamiu 26-nik ukiulik Marokkomit kingoqqisuusoq Ahmet Dahmani. Tigusarinninneq illoqarfimmi takornarianit ornigarneqarluartartumi Antalyami akunnittarfimmi arfinilinnik ullorialimmi pisimanerarneqarpoq,
Dahmani akunnittarfimmi novembarip 16-ianili najugaqarsimanerarneqarpoq.
Parisimi saassussinerit inuinnaat 130-t inuunerannik akeqarpoq.
Aamma takukkit:
Tallimanngormat toqoraanerit qisuariarfigigaat
Unnerluussisoq: Parisimi saassussinernik aaqqissuisoq toquvoq
Peqqarniisaarniat saassussinerisa kingorna nunatsinni erfalasut qiteqquneqartut