peqqarniisaarneq
Peqqarniisaarluni saassusinerup kingorna tigusarineqartoq
Manchesterimi qaartitsisimasutut angut 23-nik ukiulik tigusarineqartoq, AFP aallaavigalugu, tuluit politiivisa paasissisutissiaraat.
Angut23-nik ukiulik Manchesterimi tusarnaartitsinermi saassussinermut tunngatillugu tigusarineqarpoq, saassussinermi inuit 22-it toqutaapput.
Angut Manchesterip kujasissortaani tigusarineqarpoq. Politiit Twitterimminni taama allapput.
Tigusarinninnermut tunngatillugu itinerusumik paasissutissiisoqanngilaq.
Qaartartumeerisoq, saassussinermi kisimiissimavoq.
Qaartartumeerisoq erinarsortartup Ariana Grandep tusarnaartitsineranut qaartartumik nassataqarsimavoq. Qaartartumeerinermini nammineq aamma toquvoq.
Manchesterimi politiit oqaaseqartartuat ilisimatitsissutigaa toqutaasut 22-t ilaat meeraasut. Qassiunersulli oqaatiginngilaa.
59-it ikiligaapput. Qaartartumeerisoqarnerani arlallit seqummakunit eqqugaapput. Nutaasiassat allallit aallaavigalugit qaartartoq annertunerpaamik ajoquusitinniarlugu kikissanik savimminernillu akoorneqarsimavoq.
Qaartartumeerisoq ingasaassiniartuneersuunersoq imaluunniit kisimiilluni qaartartumeerisimanersoq, politiit maanna paasiniaaffigileruttorpaat.