pisassiissutit
Peqatigiiffik nutaaq tapersersorneqarnissaminik amigaateqartoq
Avataasiorluni aalisartunut peqatigiiffimmik qanga pisunik misissuiniartumiik nutaamik pilersitsisoqarnikuuvoq
- Inuunerup sinneranut pisassiissutit aamma raajarniarnermut atatillugu kattunnermut aningaasat qularnaveequtit, suliffeqarfiit kilisaataatillit assigiinngitsut kattummata tamakku amerlasuut sumut pippat?
Taakku apeqqutit Peqatigiiffik aalisartoq avaataasiortup akissutissarsiniarlugit ujartuivoq.
Aalisarnermut aamma Piniarnermut Naalakkersuisoqarfimmik ataatsimeeqateqarneq maannamut peqatigiiffiup akissuteqarfigineqarnissaanut qanillisinngilaa.
Tapiissutinik pinngitsut
- Inatsisartut 800 millionit koruuninik qularnaveequtinik aningaasaliipput, uagulli taakkunannga pinngilagut. Inuit arfiniliinnaat taakkuninnga aningaasarpassuarnik nuannaarutissinneqarput - soormiuna uagut taakkunannga tapiiffigineqanngitsugut, peqatigiiffiup siulittaasua Hans Lars Steenholdt aperivoq.
Peqatigiiffiup isummani saqqummiuppaa, kisianni Aalisarnermut Piniarnermullu Naalakkersuisoqarfik isumaqarpoq, peqatigiiffiup kiffartuussutaa ersarinngitsoq.
Ersarinnerusumik kiffartuussummik nassuiaateqartinnagit, peqatigiiffik aningaasanik taperserusunngilaat.
Mamianarnerarpaa
Tamanna Peqatigiiffik Aalisartoq Avaataasiortumik naammagittaalliorfigineqarpoq.
- Tamanna mamianartuliornerujussuuvoq. Umiarsuaateqarfiit arlallit suliffeqarfinnut allanut kattukkamik inuunerup sinneranut pisassiissutinnannikuupput, kisianni taakku pisassiissutit takoqqinnikuunngilagut, Hans Lars Steenholdt oqarpoq.
Atuaruk: Raajartassat 85.000 tonsinut amerlivaat