meeqqat inuusuttullu
Peqatigiiffik Kalaallit Meerartaasa peqatigiiffik nukittorsarpaat
Kalaallit Nunaanni aamma Danmarkimi peqatigiiffik meeqqanik atugarliortunik sullissisoq, Nuummi allaffeqarfimmi pisortamik atorfinitsitsivoq
Peqatigiiffik Kalaallit Meerartaanni 39-nik ukiulik Nike Berthelsen allaffeqarfimmi pisortatut atorfinitsinneqarpoq.
Peqatigiiffik tusagassiuutinut nalunaarummi taama ilisimatitsivoq.
- Nike Berthelsenimut atorfinitsitsinitsinni Kalaallit Nunaanni suliatsinnut nakussassaanitsinnut tasitsinerinnaavoq pissusissamisoortoq, Peqatigiiffik Kalaallit Meerartaanni generalsekretæri Puk Draiby oqarpoq.
Kommuninut qanimut suleqateqarneq
Nike Berthelsenip kommunit qanimut suleqatigilernissaat sulissutiginiarpaa.
- Inuiaqatigiinni suliassanik pingaarutilinnik kiinnigassaqarpugut pisortatigut kisimi kivinneqarsinnaanngitsunik. NGO-jusugut sapinngisatsinnik tunniussisariaqarpugut. Tamattaalluta suligutta upperaara inuiaqatigiinni unamminartut kiinnikkagut inerniliiffigisinnaagigut, taanna nassuiaavoq.
Peqatigiiffik ineriartortinnissaa allaffeqarfimmillu nukittuumik pilersitsinissaq eqqaassanngikkaanni Nikep suliassaasa pingaarnerit ilagaat meeqqanut illersortinut aaqqissuussaq 'Najorti' sammissallugu.
Peqatigiiffik Kalaallit Meerartaanni allaffeqarfimmi pisortatut maajip aallaqqaataani Nuummi sulilissaaq.
Atuaruk: Meeqqat inuuneri atuakkami assinilu assilianngortinneqartut