Peqatigiiffik Inuit siulittaasortaarput

Bitha Metelmann ukiut qulit ingerlareerluni Malene Nielsen Schjørringimut tunniuppaa

Siulittaasuusimasoq, siulittaasunngortorli, Bitha Metelmann (saamerliusoq) Malene Nielsen Schjørringilu (talerperliusoq)

Peqatiiffiik Inuit sapaatip akunnerata naanerani Alsimi Sønderjyllandimiittumi ileqquusumik ataatsimeersuarmat, Bitha Metelmann kingullermeerluni siulittaasutut saqqummiivoq.

Danmarkimi kalaallit peqatigiiffiisa kattuffiata Kalaallit ilanngunneqarnerat immikkut sammisimavaat. Tamannalu ilaatigut folketingimi ilaasortaq Aaja Chemnitz Larsen (IA), suleqatigineratigut, tusarniaanernut peqataanikkut inuillu pisiinnaatitaaffiisa instituttianik ataatsimeeqateqarnikkut pisimalluni.

Taakkua saniatigut soorunami ukioq ataatsimoornernik aaqqissuussiffiuvoq. Tusariarlinngooq ukiut marluk uninngasoq aallarteqqinneqarpoq. Erinarsoqatigiit aqqaneq marluk kisimiillutillu erinarsortartut imminut unammipput.

Soorunami aamma ileqquusumik Kalaallit Nunaannut juullimut inuulluaqqusineq.

Bitha Metelmann ukiut qulip siulittaasooreerluni tunuarmat, Malene Nielsen Schjørring siulittaasunngorpoq.

Bithamut suliassaasa annerpaat ilagivaat suliniutinik nutaanik aallartitsinissaq. Kalaallit amerlasuut Danmarkimi najugaqartut ingerlalluarnerat danskinut takutinniarnissaat anguniagaavoq.

Suleqatigiit oqallinnerni peqataatinneqassapput taakkuli atuagassamik, kronikkinik videonillu Facebookimut ikkussisassapput.

Powered by Labrador CMS