Nuuk Marathon 2014
Peqataasut 300-t missaanniipput
Marathon-erluni Nunatsinni pissartanngorniunneq ullumi Nuummi aallartippoq
(Allaaserisaq allannguuteqalaarpoq: Nuummi kisimi arpattoqarpoq, Qinngorpumiinngitsoq)
Nuuk Marathon nuannarineqarluartoq, 1989-imi Kim Godtfredsenimit aallartinneqartoq, arfininngornermni aggustip aappaani Nuummi ingerlateqqinneqarpoq.
Nalunaaqutaq qulingiluanut Marathon-imut ilivitsumut, nunatsinni pissartanngorniutaasumut, arpattut aallareerput. Tatumani angutit 20-t arnallu sisamat peqataapput, angusarineqartussallu pissanngatigineqaqaat. Marathonimut arpalluni unammineq 1990-imi pisortatigoortumik Nunatsinni pissartanngorniunninngortinneqarpoq. Tamatuma kingorna sinerissami Marathonerluni arpannerit allat Nunatsinni marathonimi pissartanngorniunnertut atorneqartarput, ilaatigut nuannarineqaretoq Aasianni ingerlanneqartartoq.
Arpannermi naannernut arpattussat, marathonip affaanut arpattussat ilanngullugit, nalunaaqutaq 11 aallassapput - marathonillu affaa Qinngutsinnut ataasiaannarluni arpanneqassaaq. Inissisimanernik ataavartumik nalunaaruteqartoqartassaaq, peqataasullu 300-t missaanniipput taamaattumik aqqusinerni arpattorpassuaqassaaq.
Kim Godtfredsen, arpannermik tamatuminnga ukiut 25-it matuma siornatigut aallartitsisoq, 10 kilometerimut arpaqataavoq.