Pasinartumik pissusilersornerup tillinniat paasisaatikkaat

Ilulissani politiit kingorna angutit marluk tigusaraat, Oqaatsunilu Puilersuisumut tillinniartutut unnerluutigalugit. Aalakoorlutik imigassartorneranni taakku tigusarineqarput, taakku imigaat tillinniarnermeersimanissaat ilimagineqarpoq, politiit tusagassiuutinut nalunaarummi allapput.

Akuerineqarani atornermut unnerluutigineqartut
Angutit taakku marluk umiatsiaaqqamik aallarussisutut unnerluutigineqarput, taakku Oqaatsunut utimullu tillinniareernermi assartuutigisimavaat. Pinerluuteqarsimasut inissiisarfiannut inissinneqartussanngorput, kiisalu eqqartuussivimmi pisuullutik eqqartuunneqareerunik aserukkaminnut akiliisussanngortinneqassapput.

Angutit taakku marluk pisuullutik nassuerput, politiiniillu ilisimaneqareerput.

- Inuusuttut umiatsiaaqqanik aallarusseriarlutik nunaqarfinni tillinniarlutillu aserorterineranni, illoqarfinni nunaqarfinnilu innuttaasut pinerluuteqarnerit tamakku ataatsimut nalunaarutigisaraat pitsaalluinnarpoq. Tillinniarneq aserorterinerlu pineqartunut asuliinnaanngitsumik kinguneqartitsisinnaavoq. Inuusuttuaqqat pinerlunnernut peqataatinniartannginnissaat pingaaruteqarpoq, pinerluttuliorsimagaanni inuunermimi kingusinnerusukkut suliffittaarniarnissamut ajornartorsiutaasinnaasarmat, Ilulissani politikommissæri Sebastian Bech ilisimatitsivoq.