Partiit saamerliit: Avammut raajanik tunisinermut Brexit eqquisinnaavoq

Tuluit Nunaata Naalagaaffiit Peqatigiinnit aninera - tassa Brexitimit taagorneqartoq - aningaasaqarnitsinnut aamma suliffeqarnitsinnut malunnartunik malunnartitsisinnaavoq.

Ingammik Kalaallit Nunaata Tuluit Nunaat raajanik avammut tunisaqarfigisartagaasa annerpaat ilagimmassuk.

- Taamaammat tuluit niueqatigilluarnissaat Kalaallit Nunaannut pingaaruteqarluinnarpoq nangittumillu Nunatsinnit tamanna suliniutigisariaqarparput. Tamatumani nunat avannarliit allat peqatigalugit oqariartuuteqarnissaq Inuit Ataqatigiit pingaartipparput, Inuit Ataqatigiit siulittaasuat Sara Olsvig, Brexitimut tunngatillugu nunani avannarlerni partiit saamerliit arfineq-marluk ataatsimut oqaaseqaataanut ilaliullugu taama oqarpoq.

EU aaqqitassaqartoq
Taanna isumaqarpoq, Tuluit EU-mit anissallutik aalajangernerisa takutikkaa, EU aaqqissuussaanikkut suleqatigeeriaatsikkullu aaqqitassaqartoq.

- Nunat EU-mut qanittumiittuusugut EU Tuluillu Nunaat suleqatigilluarsinnaassagivut pisariaqarpoq, Sara Olsvig oqarpoq.

Akissarsiatigut akiluttuinnginnissaq
- EU-mi Tuluillu Nunaanni talerperliit illuatungilerlutigit Tuluit anininarnerannit EU-p imminut mattukkaluttuinnannginnissaanik partiit saamerliit oqariartuuteqarpugut. Nunat avannarliit akornanni EU-mut attuumassuteqarnivut assigiinngitsorujussuupput, IA-mi siulittaasoq oqarpoq.

ilaasortaapput. Nunarput OLT-mut ilaavoq Savalimmiut tassunga ilaanngillat. Inissisimanivut assigiinngitsuugaluartut ataatsimoorussinnaasarput tassaavoq ammasumik suleqatiginnilluarumaneq, inuttut atukkatigut illersuineq akissarsiatigullu akiluttuinnginnissaq, tamatumanilu ataatsimoorluta anguniagaqaqatigiittariaqarpugut, Sara Olsvig oqarpoq.

Tuluit Nunaata EU-mit aninera pillugu nunani avannarlerni partiit saamerliit oqaaseqaataat tamakkiisoq uani atuarneqarsinnaavoq