kommunimut qinersineq
Partiit pingasuinnaat kommunini tamani qinigassanngortitsipput
Partiit 'pisoqartaasut' kisimik kommunini tamani qinigassanngortitsipput
Demokraativiusut Kommune Kujallermi imaluunniit Qeqqata Kommuniani najugaqarunik qinigassanngortittumik allamik nassaartariaqassapput.
Kommune Kujallermi aamma Partii Naleraq taamatut qinigassanngortitsinngilaq, illuanik partii Hans Enoksenip najugaqarfigisaani Qeqqata Kommuniani arfineq-pingasunik qinigassanngortitsivoq. Taannali kommunimut qinigassanngortinngilaq.
Kommunit sisamat tamamik qinigassanngortittut allattorsimaffii saqqummiussimalerpaat, taamaammat maanna apriilip sisamaanni qinigassamik tulluartumik nassaarniarrtoqarsinnaalereerpoq.
Qaasuitsup Kommunia immikkut ittumik inissisimavoq, tassani ikaarsaarnermut ataatsimiititalianik marlunnik taasisoqassaaq, taakku kommunip avinneqarnera piviusunngortissavaat.
Taamaalilluni kommuninut tallimanut qinersisoqassaaq.
Qinigassanngortittut allattorsimaffii uani linki toorlugu nassaarisinnaavatit:
Qaasuitsup Kommuniani ikaarsaariarnermi ataatsimiititalianut qinigassanngortittut