Partiit meeqqanut ambassadørii aajuku
Ambassadørit imminnut pisussaatipput, politikerit aalajangiigaangata meeqqat inuusuttullu pisinnaatitaaffiisa isumagineqartarnissaat sulissutigisassallugu
– Politikkikkut sulinermi meeqqat inuusuttulllu pisinnaatitaafiisa isumagineqartarnissaannut siuttuussaanga.
Tamanna siullersaalluni allassimavoq ataatsimut siunertamut nalunaarummi, Inatsisartuni meeqqanut ambassadørit nutaat ataasinngormat atsiugaanni.
Partiinit
Meeqqat pisinnaatitaaffiinik suliniuteqarfiup MIO-p politikkikkut partiit tamaasa kajumissaarsimavai Inatsisartunut ilaasortamik toqqaaqqullugit, politikkikkut sulinermi meeqqat inuusuttullu inuunerminni atugarisaannik isumaginninniartartussamik. Tamatumalu saniatigut ambassadørit meeqqat inuusuttullu Kalaallit Nunaanni pisinnaatitaaffii ataatsimut isumaqarfiginiassavaat, suliniuteqarfik paasissutissiivoq.
Atassut amigaataavoq
Partiit tamarmik meeqqanut ambassadørissaminnik toqqaapput:
Partii Naleraq: Anthon Frederiksen
Inuit Ataqatigiit: Mimi Karlsen
Demokraatit: Tillie Martinussen
Siumut: Vivian Motzfeldt
Atassut: Partii ambassadørissaminik toqqaanialeruttorpoq
Meeqqat illersussavaat
Meeqqanut ambassadørit suliassaraat meeqqat inuusuttullu illersussallugit, pisinnaatitaaffiilu qulakkeertassallugit, politikerit aalajangiigaangata meeqqanut inuusuttunullu kinguneqaateqarsinnaasunik.
Meeqqanut ambassadørit meeqqat illersuisuata Aviâja Egede Lyngep atuunnissaatut sivisutigisumik, tassa 2017-ip naanerata tungaanut, atuutissapput.