Partii Naleraq: 2021-imi namminiilivinneq eqqunneqassaaq
Partii Naleqqamit qinigassanngortittut qineqqusaarnermi avissaarnissamik pingaartitsinerpaajupput.Nunatta namminerisamik aningaasaqalerlunilu præsidenteqalernissaa kissaatigaat. NaatsorsuutigaluguDanmark aningaasanik tapiissuteqassasoq, Løkke naaggaaraluartoq
Namminiilivinnissaq ulloq qinersivissaq qanilliartortillugu oqaluuserineqartorujussuanngussasoq ilimagineqarpoq.
Pingaartumik Partii Naleraq oqallinnermi tamatumani sassarterpoq qinersinissarlu marlunngormat nalunaarutigineqarmat Inatsisartut ataatsimiittarfianni pineqartoq oqaluttarfimmi piffissamik atuiffigalugu. Partiip qineqqusaarnerup nalaani qinersisartunut nassuiaatiginiarpaa Kalaallit Nunaat namminersortoq - nammineq aalajangiisinnaassaguni - juunip 21-ani 2021-mi suaarutigineqassasoq.
Kalaallit Nunaat nammineertoq
- Ukioq taanna ukiut 300-t matuma siornatigut Hans Egedep tikinneratigut Danmarkip Kalaallit Nunaannik nunasiaateqalernera aallarnerneqarpoq. Taamaattumik Tunngaviusumik Inatsisissat pillugit Isumalioqatigiissitami sulinerup naammassineqarnissaanut taanna aamma piffissaavoq pissusissamisoortoq, Inatsisartunut ilaasortaq Per Rosing Petersen, Tunngaviusumik Inatsisissat pillugit Isumalioqatigiissitamut ilaasortaasoq, oqarpoq.
- Kalaallit Nunaat namminerisaminik tunngaviusunik inatsiseqalerpat tamatuma Kalaallit Nunaata naalagaaffinngornissaata assigissavaa?
- Tamanna anguniagaraarput, Per Rosing Petersen akivoq.
Akiami?
- Naatsorsukkanit nutaanit takutinneqarpoq, suliassaqarfinnik 32-nik tigusineq 600-700 millioner koruuninik akeqassasoq. Aningaasat taakkua qanoq isumaqarfigaagit?
- Aningaasat taakkua qallunaat aqutseriaasiat aallaavigalugu naatsorsorneqarsimapput. Akikinneerarsuarmik suliarineqarsinnaapput.
AG aviisimi apeqqarissaarneq nammineq aningaasaateqalernissamik, passeqalernissamik kunngikkormiunillu sammisaqarfiusoq tamaat atuaruk. Aviisi uani pisiassaavoq: