akissarsiat assigiinngissutaat
Partii Naleraq: Tikisitat akissarsiaqarpallaaqaat
Partiip assgiinngisitsineq unitsinniarpaa
Ukiakkut ataatsimiinneq sapaatip akunnerani ataatsimi ingerlanneqareerpoq. Sammineqarluartussat pingaarnerit maanna erseqqissiartulereerput: Politikerit ukiaanerani matumani namminiilivinnissaq, oqaatsit aamma qallunaat tikisitat sakkortuumik oqallisigisussaassavaat.
Politikkikkut naleqartitat
Ileqquliunneqarsimasutut ingammik Partii Naleqqamit politikkikkut naleqartitat sakkortuumik oqaaseqarfigineqartarput.
Taamaalillunimi partiip oqaaseqartuata Anthon Frederiksenip sapaatip akunnerata siuliani piumasaqaatitut saqqummiuppaa kalaallit qallunaallu assigiinngisinneqartarnerat piaarnerpaamik atorunnaarsinneqartariaqartoq.
Atuaruk: SIK-p siulittaasua: Assigiinngisitsineq atugaaqaaq
Sumi inunngorsimaneq tunngaviusoq
Maluginiarneqarsinnaasutut sumi inunngorsimaneq tunngavigalugu akissaasersuineq assuarineqartaqisoq atuutilerseqqinneqarsimagunartoq, Anthon Frederiksenip oqaatigaa.
Tikisitat suliffeqarfiit ilaanni marloriaammik akissarsiaqartinneqarput. Tamanna Naatsorsueqqissaartarfiup kisitsisaataani takuneqarsinnaavoq. Assigiinngisitsinerup tamatuma atorunnaarsinneqarnissaa piumasaraarput. Assigiinngitsunik akissarsiaqartitsisarneq tamaanga killeqartariaqarpoq, Anthon Frederiksen oqarpoq.
Naalakkersuisut pasilliinernut oqaaseqaataat AG-mi atuakkit. Aviisi uani pisiarisinnaavat: