Folketingimut qinersineq

Partii Naleqqap qinigassanngortitai aajuku

Partii Naleraq Folketingimut qinersinissamut marlunnik qinigassanngortitsivoq

Partii Naleraq
Partii Naleqqap siulittaasuata tulllia Per Rosing-Petersen (saamerleq) aamma Dan Rasmussen Folketingimut qinigassanngortipput

Partii Naleraq Folketingimut qinigassanngortitassaminik tallimanngornermi nal. marlunut tamanut saqqummiussivoq. Taakkua tassaapput Nuummi innuttaasut, Per Rosing-Petersen aamma Dan Rasmussen.

Qinigassanngortittut partiip siulersuisuinit sisamanngornermi aalajangiunneqarsimasut, tusagassiortunik katersortitsinermi oqaatigineqarpoq.

Misilittagalik nutararlu

Per Rosing-Petersen partiimi, Dan Rasmussenimik qinigassanngortitsisumi, siulittaasumut tullersortaavoq. Dan Rasmussen 40-nik ukioqarpoq politikkimilu perngaammik qinigassanngortilluni.

Nuliani peqatigalugu arfineq-marlunnik meeraqarpoq ulluinnarnilu Royal Arctic Logistikkimi suliffeqarluni.

Partiip ministeriunertut sorleq tikkuarusunneraa partiit allat assigalugit qinersisartunit suli paasineqarsinnaanngilaq.

Atuaruk: Partii Naleqqap folketingimut qinigassanngortitassani saqqummiutissavai

Powered by Labrador CMS