sipaarniuteqarneq
Partii Naleqqap immikkoortoqarfia: Suut tamaasa oqaatsit marlunngorlugit saqqummiuttariaqanngillat
Allgaatit nutserneqartarnerannut pisortat koruunit millionilikkaat atortarpaat. Piumasaqaat tamanna qimattuugutsigu annertoorujussuarnik sipaaruteqassagaluarpugut, Partii Naleqqap Sisimiuni immikkoortoqarfia isumaqarpoq
Inuiaqatigiiulluni marlunnik oqaaseqartuulluni akisoqaaq, tassa pisortani allagaatit ukiumut millionilikkaanik nalillit nutserneqartassammata.
Aaqqissuussineq tamanna eqaannerusumik akikinnerusumillu ingerlanneqarsinnaassagaluarpoq, Sisimiuni Partii Naleraq isumaqarpoq.
Pisariaqarpa?
– Aningaasatigut pissarsiviusinnaassagaluarpoq pisortani allagaatit pisariaqarnerpaat kisiisa kalaallisut qallunaatullu allanneqartarpata, partiip immikkoortoqarfiata siulittaasuata tullia Malene Ingemann tusagassiorfinnut nalunaarutikkut tikkuaavoq, taannalu aamma Qeqqata Kommuniani kommunalbestyrelsimut ilaasortaavoq.
Google Translate
– Oqaatsinut siunnersuutitsigut innuttaasut pisortat allaffeqarfiinit eqqorneqassanngillat, tassa pisortanit allakkat oqaatsit piumaneqarnerusut atorlugit, kalaallisut qallunaatulluunniit, innuttaasut suli tigusassammatigit, Malene Ingemann nangilluni oqarpoq.
Taassuma ilanngullugu tikkuarpaa nutserinermut atortoq nuannarineqartoq Google Translate kalaallisuunngortinneqartuuppat inuiaqatigiit nutserinermut aningaasarpassuit sipaarutigissagaluaraat.