Skip to main content

Partii Naleqqap biilinut innaallagissamik ingerlatilinnut akitsuutit qulakkeersinnaavai

Biilit innaallagiamik ingerlatillit aamma hybridbiilit akitsuusersorneqalernissaat Demokraatinit taperserneqanngilaq

Naalakkersuisut biilinut innaallagissamik aamma hybridbiilinut akitsuutinut siunnersuutertik akueritissagunikku, Partii Naleqqamit taperserneqarnissartik pisariaqartissinnaavaat. Sapaatip-akunnerata siuliani siullermeerinninnerup kingorna tamanna paasinarsivoq.

Demokraatit imaluunniit Suleqatigiissitsisut siunnersuut tapersinngilaat, Inuit Ataqatigiit aamma qiimmatsaatiginngilaat.

Naalakkersuisut qamutinut motoorilinnut akitsuummik 1.000 kiilunit aallartittumik 17.575 koruunit tikillugit biilit innaallagiamik ingerlateqartut aamma hybridbiilit akitsuuteqalernissaat siunnersuutigaat. Taamaalilluni akitsuut biilinut benzinamik ingerlateqartut assinganut inissinneqassaaq. Tamatuma saniatigut Naalakkersuisut siunnersuutigaat, hybridbiilit – biilit innaallagiamik ingerlatillit pinnatik – eqqussuinermi akitsuusersorneqassasut. Akerlianik qamuteralaat aamma ATV-t  eqqussuinermut akitsuusersorneqassanngillat.

LÆS OGSÅ: Siunnersuut: Biilit innaallagissamik ingerlatillit akisunerulersillugit

Tamannali Demokraatit tapersinngilaat.

- Siullermik isumaqarpugut eqqunngitsuusoq plug-in-hybridbiilit batteriinik innaallagissamik immeqqinneqarsinnaasunik ingerlatillit kiisalu innaallagissamik brintimillu ingerlatillit motoorinut akitsuusersorneqarnissaat tunngavilersuutigilluarneqarsinnaammat, inoqarmat qamutinik motoorilinnik pisisimasunik naatsorsuutigalugu motoorimut akitsuummik akiliinnginnissartik. Tassani inuit uukapaatitaasut oqartoqarsinnaavoq, Niels Thomsen oqaaseqaammini oqarpoq.

- Aappaatut isumaqartuaannarpugut suliniutinik aningaasalersuinissamut akileraarutit akitsuutillu periarfissani kingullerpaatut atorneqartassasut. Tassani pivarput akitsuutinik allannguineq.

Suleqatigiissitsisut aamma siunnersuut akuerinngilaat.

Inuit Ataqatigiit aamma siunnersuut akuerisinnaanngilaat, kisianni qamutinut motoorilinnut akitsuummik, Naalakkersuisut siunnersuutaannit affaannarmik annertussuseqartumik siunnersuuteqarput. Hybridbiilinik eqqussuinermut akitsuummik maanna atuutilersitsisoqartariaqanngitsoq, partii isumaqarpoq.

LÆS OGSÅ: Pele Broberg: Biilit innaallagissamik ingerlatillik akitsuusersorneqanngiinnassapput

Naalakkersuisut taamaalillutik siunnersuut allannguuteqartinnagu akueritissagunikku, naalakkersuisoqatigisimasatik Partii Naleraq pisariaqartippaat.

- Partii Naleraq illuatungiliuuttutut inisseqqagaluarluni siunnersuummut tapersiilluni oqaasertalerusuppaa, Pele Broberg oqaaseqarnermini ersarissumik taama nalunaaruteqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER