Partii Naleqqamit mittarfissuit nutaamik nalilersorumavaat
Nutaanik mittarfiliornermi Kangerlussuup aamma Narsarsuup mittarfiisa matuneqarnissaat isumaqatiginngilaat
Partii Naleqqamit mittarfissuit sanaartorneqarnissaannut aningaasalersorneqarnissaannullu maanna qularuteqalerput.
Aviisi Sermitsiaq taama allaaserisaqarpoq.
- Annertoorujussuarmik oqimaalutagassaqarpugut
- Annertoorujussuarmik oqimaalutagassaqarpugut annertoorujussuarmik, inuiaqatigiit ilumut taamatut akisutigisumik pilersitseqqaarlluta aatsaat angallanneq aaqqissuussinnaaneripput, Partii Naleqqami siulittaasoq Hans Enoksen oqarpoq.
Ilulissani, Nuummi Qaqortumilu mittarfissat inuiaqatigiinnit akissaqartinneqarnersut maanna apeqquserpaat, tassami inuiaqatigiit aningaasaqarnerannut sunniutissat pillugit nalunaarusiat suli saqqummiunneqanngillat.
Mittarfisuillu inuiaqatigiinnut tamanut imaluunniit ilaannaanut iluaqutaassanersut maanna takujuminaappoq.
- Qinersinissamik nalunaaruteqarneq uggornartorujussuuvoq
- Uani uggornartorujussuuvoq paasissutissat upernaaq manna saqqummiunneqartussaangaluit inuiaqatigiinnut sunniuteqarsinnaaneri, aningaasaqarnikkut angallannikkut allatigullu taakkua suli kisitsisit takunngilagut, taamaammat aappaatigut uggornartorujussuuvoq qinersinissamik nalunaaruteqartoqarnera, tassa naatsorsuutigisimangaluarparput upernaaq manna aalajangersaanermi peqataanissarput, kisianni tassa oqaatigereerpara kisitsisinik suli takusaqanngilagut aammalu suliassaq inatsisartut qinersineqarnissaa pissutigalugu unitsinneqarallarluni, qanoq iliorsinnaanerput tassani killeqartorujussuuvoq, Partii Naleqqap siulittaasua Hans Enoksen oqarpoq nassuiaallunilu akuerisinnaanagu Kangerlussuaq Narsarsuarlu mittarfissuit nutaat sananeqarnerata kingunerisaannik matuneqassappata.
Partii Naleqqap apersorneqarnera tamaat atuaruk, aamma mittarfinnut pilersaarutit tamaasa qanoq isumaqarfiginerai. Aviisi uani ataani linki tooriarlugu pisiariuk: