partii inuit
Partii Inuit ilaasortamik annaasaqaqqipput
Sapaatip akunnerata ataatsip ingerlanerinnaani Partii Inuit ilaasortanit tusarsaasunit pingasunit tununneqarput ilaasortamik tunuartoqaqqinneratigut
Mads Petersen Partii Inuit sinnerlugit Inatsisartunut qineqqusaaqataasoq partiimit tunuarluni nalunaarpoq. Taassuma tunuarnerminut tunngavilersuutigaa atorfittaaminut piffissaq tamaat atorusukkamiuk.
Atuaruk: Nikku Olsen: Isornartorsiuineq piviusorsiunngilaq
- Partiimit tunuarneq Markus E. Olsen pillugu oqallinnermut attuumassuteqanngilaq, Mads Petersen erseqqissaavoq.
Atuaruk: Partii Inuit qineqqusaartitaat partiimit tunuarpoq
Taamaattoq isertuutinngilaa partii nutaaq unammilligassarpassuaqartoq.
Sapaatip akunnerata ataatsip ingerlanerinnaani Partii Inuit sinnerlugit Inatsisartuni qineqqusaaqataasut partiimit tunuarput. Siullermik Lars P. Mathæussen Siumumut nuuppoq ataasinngornermilu Markus E. Olsen partiimit tunuarluni nalunaarpoq. Ullorlu taanna naarianngitsoq Mads Petersenip tunuarnini aamma nalunaarutigaa.
Atuaruk: Lars Mathæussen partiimut allamut nuuppoq
- Sunniuteqaqataasinnaaneq immaqa anginerusinnaagaluarpoq. Kisianni ataqqilluinnarpara partiimi siulersuisut suliassanik tulleriiaarisuunissaat partiillu qanoq aqunneqarnissaanik aalajangertussaanerat, Mads Petersen Sermitsiaq.AG-mut oqarpoq.
Atuaruk: Oqaaseqaat: Partii Inuit ajornartorsiorpoq
Mads Petersen septemberip aallaqqaataani Maniitsumi mittarfimmi pisortanngorpoq atorfinninnerminullu atatillugu suliassaminik tulleriiaarisimalluni.