kommunimut qinersineq
Partii Inuit atsiornernik katersivoq
Partii kommunimut qinersinermut sassartitsiniarluni maanna atsiornernik katersinermik aallartitsivoq
Partii nunamik pingaartitsisoq, Partii Inuit, apriilip sismaanni kommunimut qinersinermut sassartitsiniarluni atsiornernik katersivoq.
Partii atsiornernik 950-nik katersissaaq, partiip siulittaasua Per Rosing-Petersen tusagassiuutinut nalunaarummi ilisimatitsivoq.
Atuaruk: Per Rosing-Petersen Partii Inuit siulittaasortaaraat
- Komunerujussuarni ajornartorsiutit annertuut imaaliallaannarlugit aaqqinneqarsinnaanngitsut allanngortinneqartariaqartut, matumani inuit atugaat pineqarmata minnerunngitsumik isorliunerusuni inuuniarnerup aningaasarsiornikkut inuit inorsillugit aaqqissuussaanerup oqimaassigaluttuinnartup illuatungaanut saatinnissaanut aalajangersaanerit nutaat aallartinneqartariaqartut pingaarnertut qineqqusaatiginiarlugit, Per Rosing-Petersen oqarpoq.
Georg Olsen atsiornernik katersiniarnermi ataqatigiissaarisuusoq, taanna ilisimatitsivoq.
Atuaruk: Partii Inuit piumasaqaateqangaatsiartoq