Aleqap atornerluinera

Partii Inuit Aleqap sulinngiffeqarnissaa akuerinngilaa

Partii Inuit Aleqa Hammondip sulinngiffeqarniarluni qinnuteqaataa akuerinngilaa napparsimanermik tunngaveqanngimmat. Partii Inuit isumaqarput Siumup pissaaneq annaanaveersaaginnaraa

Partii Inuit siulittaasua, Nikku Olsen tunuatungaaniilluni Inatsisartuni ilaasortaq Randi Broberg

- Naalakkersuisut siulittaasuata sulinngiffeqarnissamik qinnuteqaataa napparsimanermik allatulluunniit pisariaqavissumik patsiseqanngilaq, Naalakkersuinikkulli pissaanermik annaasaqarusunnginnermik aallaaveqartoq inuiaqatigiit tamatta takusinnaavarput, naak pisut erseqqissumik nassuiarneqareeraluartut.

Partii Inuit siulittaasua, Nikku Olsen aamma partiip Inatsisartuni ilaasortaatitaa, Randi Broberg, taama allapput.

- Partii Inuit maluginiarparput Naalakkersuisut siulittaasuata qinnuteqaammini erseqqissaraa misissuinerup ingerlanerani suleqataanissani. Tamannali sulinngiffeqarnermi qulakkeersneqarsinnaanngilaq taamaattumillu qinnuteqaat naapertuuttutut isiginngilarput, akisussaaffimmilli qimarrratiginninnertut taarusullutigu.

- Partii Inuit erseqqissumik oqaatigissavarput pissaanermik atornerluineq akuersaannginnatsigu. Taamaattumik Naalakkersuisut siulittaasuata sulinngiffeqarnissamik qinnuteqaataa taamatut isikkoqartillugu akuerisinnaanngilarput, Nikku Olsen aamma Randi Broberg taama allapput.

Aleqa Hammondip pisortat aningaasaataannik atornerluineranut allaaserisat allat uani atuakkit

Powered by Labrador CMS